Bhakthi TV | Bhathi TV Live | Bhakti TV | Bhakti TV Live |Devotional

UPDATES

ఉత్తరప్రదేశ్‌ : ఆద్యంతం... రామ జన్మోత్సవ వైభవం. సర్వాంగ సుందరంగా ముస్తాబైన అయోధ్య. 500 ఏళ్ల తర్వాత బాలక్‌ రామ్‌ ఆలయంలో వేడుకగా శ్రీరామనవమి వేడుకలు. ఉత్సవాల్లో భాగంగా రోజుకో రకం వస్త్రాలతో బాల రాముడికి అలంకరణ.
ఉత్తరప్రదేశ్‌ : ఈనెల 17వ తేదీన అయోధ్యలో ఆవిష్కృతం కానున్న మరో అపూర్వ ఘట్టం. మధ్యాహ్నం 12 గంటలకు బాలక్‌ రామ్‌ నుదుటిని తాకనున్న సూర్యకిరణాలు. మూడు నిమిషాల నుంచి ఆరు నిమిషాల వరకు కనువిందు చేయనున్న అపురూప దృశ్యం. ప్రతీ ఏటా శ్రీరామనవమి రోజున బాలక్‌ రామ్‌ విగ్రహంపై సూర్యకిరణాలు పడేలా ఆలయ నిర్మాణ సమయంలోనే ఏర్పాట్లు.
భద్రాచలం : భద్రాద్రి శ్రీసీతారామచంద్రస్వామి ఆలయంలో అంగరంగ వైభవంగా వసంతపక్ష తిరుకల్యాణ బ్రహ్మోత్సవాలు. నేడు ధ్వజారోహణం, రేపు ఎదుర్కోలు ఉత్సవం, ఈనెల 17న ఉదయం 10.30 గంటలకు మిథిలా స్టేడియంలో సీతారాముల కల్యాణం, 18న శ్రీరామ పట్టాభిషేక మహోత్సవం.
భద్రాచలం : బ్రహ్మోత్సవాలను పురస్కరించుకొని భద్రాద్రి రామాలయంలో ఈనెల 23వ తేదీ వరకు నిత్యకల్యాణాలు, దర్బారు సేవలు, మే 1వ తేదీ వరకు స్వామివారికి పవళింపుసేవ రద్దు చేసిన అధికారులు.
తిరుమల : ఈనెల 17వ తేదీన శ్రీవారి ఆలయంలో శ్రీరామనవమి ఆస్థానం. రాత్రి 7 గంటలకు హనుమంత వాహనంపై విహరిస్తూ భక్తులుకు దర్శనం ఇవ్వనున్న మలయప్పస్వామి. 18వ తేదీన శ్రీరామ పట్టాభిషేకం.
తిరుమల : తిరుమలలో కొనసాగుతున్న భక్తుల రద్దీ. దేవదేవుడి దర్శనార్థం 18 కంపార్టుమెంట్లలో భక్తులు. శ్రీవారి సర్వదర్శనానికి 12 గంటల సమయం.
తిరుమల : ఈనెల 18వ తేదీ నుంచి ఆన్‌లైన్‌లో జులై మాసానికి సంబంధించి ఆర్జిత, దర్శన టిక్కెట్ల కోటాను విడుదల చేయనున్న తి.తి.దే.
తిరుమల : పెరుగుతున్న శ్రీవారి బంగారు నిల్వలు. 2023-24 వార్షిక సంవత్సరంలో 1031 కేజీల బంగారం డిపాజిట్‌ చేసిన తి.తి.దే. ఇప్పటి వరకు మొత్తంగా 11,329 కిలోల బంగారం డిపాజిట్‌. గత మూడేళ్లలో 4 వేల కేజీల బంగారాన్ని బ్యాంకులో డిపాజిట్‌ చేసిన తి.తి.దే.
నారాయణవనం (తిరుపతి జిల్లా) : నేత్రపర్వంగా పాలమంగలం ఉత్తరంలోని శ్రీభద్రావతి సమేత భావనారుషి స్వామి ఉత్సవాలు. శాస్త్రోక్తంగా స్వామి, అమ్మవార్ల కల్యాణోత్సవం. ఘనంగా మహానైవేద్యం. నేటి సాయంత్రం చక్రస్నానం.
నారాయణవనం (తిరుపతి జిల్లా) : శ్రీఅగస్త్యేశ్వరస్వామి ఆలయంలో వార్షిక బ్రహ్మోత్సవాలు. నేటి రాత్రి సింహవాహనంపై విహరిస్తూ భక్తులకు దర్శనమివ్వనున్న స్వామివారు. 20న రథోత్సవం, 21న సాయంత్రం 6 గంటలకు స్వామి, అమ్మవార్ల కల్యాణోత్సవం.
చంద్రగిరి (తిరుపతి జిల్లా) : రేపటి నుంచి ఈనెల 26వ తేదీ వరకు చంద్రగిరిలోని శ్రీకోదండరామస్వామి ఆలయంలో శ్రీరామనవమి వార్షిక బ్రహ్మోత్సవాలు. రేపు సాయంత్రం అంకురార్పణ. 23న ఉదయం 10 గంటలకు సీతారాముల కల్యాణోత్సవం, 26న ఉదయం 9 గంటలకు శ్రీరామపట్టాభిషేకం.
కోట (తిరుపతి జిల్లా) : గుడాలిలోని శ్రీసంగమేశ్వరస్వామి ఆలయంలో నేటితో ముగియనున్న వార్షిక బ్రహ్మోత్సవాలు. శాస్త్రోక్తంగా స్వామి, అమ్మవార్ల కల్యాణ మహోత్సవం. నేటి రాత్రి ఏకాంతసేవ.
కాణిపాకం (చిత్తూరు జిల్లా) : ఈ నెల 17వ తేదీన శ్రీవరసిద్ధి వినాయకస్వామి అనుబంధ ఆలయమైన శ్రీవీరాంజనేయస్వామి ఆలయంలో సీతారాముల కల్యాణం.
శ్రీశైలం (నంద్యాల జిల్లా) : నేటి సాయంత్రం శ్రీభ్రమరాంబిక మల్లికార్జునస్వామి ఆలయంలో శ్రీస్వామి, అమ్మవార్లకు సహస్రదీపాలంకరణ సేవ, వెండి రథోత్సవం.
ఒంటిమిట్ట (వైఎస్‌ఆర్‌ జిల్లా) : రేపటి నుంచి ఈనెల 26వ తేదీ వరకు ఒంటిమిట్ట కోదండ రామాలయంలో శ్రీరామనవమి వార్షిక బ్రహ్మోత్సవాలు. రేపు సాయంత్రం అంకురార్పణ, 22న రాత్రి 8 గంటలకు జానకీరాముల పరిణయోత్సవం, 23న రథోత్సవం.
వాల్మీకిపురం (అన్నమయ్య జిల్లా) : వాల్మీకీపురంలోని శ్రీపట్టాభిరామస్వామి ఆలయంలో శ్రీరామనవమి బ్రహ్మోత్సవాలు. ఉత్సవాల్లో భాగంగా వేడుకగా స్వామివారికి కల్పవృక్షవాహనసేవ. నేటి రాత్రి సర్వభూపాల వాహనంపై పట్టాభిరాముడి గ్రామోత్సవం. ఈనెల 17న రాత్రి సీతారాముల కల్యాణోత్సవం, 19న ఉదయం రథోత్సవం.
డి.హీరేహాళ్‌ (అనంతపురం జిల్లా) : మురడి ఆంజనేయస్వామి ఆలయంలో శ్రీరామనవమి బ్రహ్మోత్సవాలు. ఈనెల 17వ తేదీన శ్రీసీతారాముల కల్యాణం.
రాప్తాడు (అనంతపురం జిల్లా) : ప్రసన్నాయపల్లిలో వేడుకగా పెద్దమ్మ తల్లి జాతర మహోత్సవాలు. అమ్మవారి దర్శనార్థం అధిక సంఖ్యలో తరలివచ్చిన భక్తులు.
అనంతపురం : ఈనెల 17 నుంచి 26వ తేదీ వరకు మొదటిరోడ్డులోని శ్రీ కాశీవిశ్వేశ్వర కోదండరామాలయంలో శ్రీరామనవమి బ్రహ్మోత్సవాలు. ఉత్సవాల్లో భాగంగా ప్రతీరోజు ఉదయం స్వామివారికి విశేష అభిషేకాలు, సాయంత్రం పురవీధుల్లో వాహనసేవలు.
రాజమహేంద్రవరం (తూ.గో.జిల్లా) : ఈ నెల 16, 17 తేదీల్లో దేవీచౌక్ సమీపంలోని శ్రీదశావతార సీతారామ ఆలయంలో శ్రీరామనవమి వేడుకలు. రేపు స్వామి, అమ్మవార్లకు వధూవరులుగా అలంకరణ, 17న సీతారాముల కల్యాణం.
ఆత్రేయపురం (కోనసీమ జిల్లా) : ఈనెల 17 నుంచి 23వ తేదీ వరకు ర్యాలి జగన్మోహినీ కేశవస్వామి ఆలయంలో వార్షిక కల్యాణ మహోత్సవాలు.
సామర్లకోట (కాకినాడ జిల్లా) : ఈనెల 18వ తేదీ నుంచి మాండవ్య నారాయణస్వామి ఆలయంలో స్వామివారి కల్యాణ మహోత్సవాలు. 19న నారాయణస్వామి పరిణయ మహోత్సవం.
సీలేరు (అల్లూరి సీతారామరాజు జిల్లా) : సీలేరులోని మోదకొండమ్మ అమ్మవారి ఆలయంలో వేడుకగా జాతరోత్సవాలు. రేపు అమ్మవారికి గరగాలంకరణ, అగ్నిగుండం, 27న అమ్మవారి ఊరేగింపు, 28న ప్రధాన జాతర.
విజయవాడ (ఎన్టీఆర్‌ జిల్లా) : ఇంద్రకీలాద్రి శ్రీదుర్గామల్లేశ్వరస్వామి ఆలయంలో వసంత నవరాత్రోత్సవాలు. భక్తిప్రవత్తులతో కనకదుర్గమ్మకు ఎర్రతామరలు, ఎర్రగన్నేరు, సన్నజాజి పూలతో అర్చన. ఈనెల 17న శ్రీరామనవమి రోజున ఉదయం 10 గంటలకు శ్రీసీతారాముల కల్యాణం, 18న ఉదయం 11 గంటలకు సీతారాముల పట్టాభిషేకం.
పటమట (ఎన్టీఆర్‌ జిల్లా) : దత్తపీఠంలో శ్రీమరకత రాజరాజేశ్వరి అమ్మవారి వసంత నవరాత్రోత్సవాలు. ఉత్సవాల్లో భాగంగా ఈనెల 18వ తేదీ వరకు ప్రతీరోజు అమ్మవారికి క్షీరాభిషేకం, శ్రీచక్రపూజ, పంచహారతులు, లక్ష్మీహోమం, పుష్పయాగం.
తాడేపల్లి (గుంటూరు జిల్లా) : సీతానగరం విజయకీలాద్రి దివ్య క్షేత్రంలో వసంత నవరాత్రోత్సవాలు. ఈనెల 17న శ్రీసీతారాముల కల్యాణం.
అచ్చంపేట (పల్నాడు జిల్లా) : షిర్డీ సాయి బాబా, పంచముఖ ఆంజనేయస్వామి ఆలయాల వార్షిక మహోత్సవాలు. వేదోక్తంగా శ్రీరాజశ్యామల, చండీ రుద్ర హోమాలు.
అనకాపల్లి : గవరపాలెంలో వచ్చేనెల 8వ తేదీ వరకు నూకాంబికా అమ్మవారి వార్షిక జాతరోత్సవాలు. అధిక సంఖ్యలో తరలివచ్చి అమ్మవారిని దర్శించుకొని మొక్కులు చెల్లించుకుంటున్న భక్తులు.
ఆరిలోవ (విశాఖపట్నం జిల్లా) : చినగదిలి రాధాక్రిష్ణనగర్‌లోని శ్రీదేవి, భూదేవి సహిత శ్రీ కల్యాణ వేంకటేశ్వరస్వామి ఆలయంలో వసంత నవరాత్రి ఉత్సవాలు. ఈనెల 18వ తేదీ వరకు స్వామి అమ్మవార్లకు విశేష అభిషేకార్చనలు.
నెల్లిమర్ల (విజయనగరం జిల్లా) : రామతీర్థం శ్రీరామచంద్రస్వామి ఆలయంలో వసంత నవరాత్రి ఉత్సవాలు. ప్రతీరోజు స్వామివారికి విశేష అభిషేకాలు, పూజలు.
ఇచ్చాపురం (శ్రీకాకుళం జిల్లా) : టి.బరంపురంలోని సీతారామాలయంలో ఈనెల 17వ తేదీ వరకు శ్రీరామ వసంత నవరాత్రోత్సవాలు.
హైదరాబాద్ : మధురానగర్‌లోని అభయాంజనేయస్వామి ఆలయంలో శ్రీరామనవమి వసంత నవరాత్రి మహోత్సవాలు. ఉత్సవాల్లో భాగంగా స్వామివారికి అభిషేకార్చనలు.
హైదరాబాద్‌ : ఈనెల 20వ తేదీన అమీర్‌పేట చౌరస్తాలోని ధనలక్ష్మీ సోనాబాయి అమ్మవారి ఆలయ వార్షికోత్సవం.
హైదరాబాద్‌ : పేట్‌బషీరాబాద్‌లోని శ్రీసీతారామచంద్రస్వామి ఆలయంలో ఈనెల 18వ తేదీ వరకు 37వ వార్షిక బ్రహ్మోత్సవాలు. ఈనెల 17వ తేదీన శ్రీరామనవమి పురస్కరించుకొని సీతారామచంద్రస్వామి వార్ల పరిణయ మహోత్సవం.
హైదరాబాద్‌ : రాంకోఠిలోని మహంకాళి దేవాలయంలో వసంత నవరాత్రి ఉత్సవాలు. ఉత్సవాల్లో భాగంగా ఈనెల 17వ తేదీ వరకు రోజుకో అలంకరణలో మహాంకాళి అనుగ్రహం.
హైదరాబాద్‌ : ఈనెల 17వ తేదీ ఉదయం 11.21 గంటలకు కేపీహెచ్‌బీ 6వ ఫేజ్‌లోని శ్రీ విజయదుర్గ రామలింగేశ్వరస్వామి ఆలయంలో శ్రీ సీతారాముల కల్యాణం.
హైదరాబాద్‌ : అయోధ్య రామాలయానికి 1,11,111 కిలోల లడ్డూ ప్రసాదం. ఈనెల 17వ తేదీన శ్రీరామనవమి సందర్భంగా భక్తుల కోసం లడ్డూ ప్రసాదాన్ని సమర్పించనున్న దేవ్‌రహా బాబా ట్రస్టు.
హైదరాబాద్‌ : బంజారాహిల్స్‌ రోడ్‌ నెంబర్‌ 2లోని ఇందిరానగర్‌ బస్తీ శ్రీరామవీధిలో గల శ్రీసీతారామచంద్రస్వామి ఆలయంలో ఈనెల 19వ తేదీ వరకు ప్రథమ వార్షిక బ్రహ్మోత్సవాలు.
హైదరాబాద్‌ : ఈనెల 17వ తేదీ సాయంత్రం 6 గంటలకు మియాపూర్‌ ధర్మపురి క్షేత్రంలో శ్రీసీతారాముల కల్యాణం.
షేక్‌పేట్‌ (హైదరాబాద్‌) : ఓయూ కాలనీ కనకదుర్గ ఆలయంలో వసంత నవరాత్రోత్సవాలు. ఈనెల 17వ తేదీ వరకు రోజుకో అలంకరణలో దర్శనమివ్వనున్న అమ్మవారు.
సికింద్రాబాద్‌ : సికింద్రాబాద్‌ గణపతి, ఉజ్జయినీ మహంకాళీ ఆలయాలను సందర్శించిన విశాఖ శారదా పీఠం పీఠాధిపతి శ్రీ స్వరూపానందేంద్ర సరస్వతీ మహాస్వామి, ఉత్తరాధికారి శ్రీ స్వాత్మానందేంద్ర సరస్వతీ స్వామి. పూర్ణకుంభం, వేద మంత్రోచ్ఛారణల మధ్య పీఠాధిపతులకు స్వాగతం పలికిన ఆలయాల అధికారులు. ఆలయాల్లో ప్రత్యేక పూజలు నిర్వహించిన పీఠాధిపతులు. ఆలయంలో నూతనంగా ప్రవేశ పెట్టిన విశేష హోమాలు, కుంకుమార్చనలను ప్రారంభించిన స్వరూపానందేంద్ర సరస్వతీ మహాస్వామి.
దుండిగల్‌ (మేడ్చల్‌ జిల్లా) : దుండిగల్‌ ఆశ్రమంలో అవదూత దత్త పీఠాధిపతి శ్రీగణపతి సచ్చిదానంద స్వామిజీ, దత్తపీఠ ఉత్తరాధిపతి శ్రీదత్త విజయానంద తీర్థ స్వామిజీ. నేడు గణపతి సచ్చిదానంద చేతుల మీదుగా నూతన ఆలయం మహాకుంభాభిషేకం. ఈనెల 18వ తేదీ వరకు ప్రతీరోజు ఉదయం ఆశ్రమంలో శ్రీచక్రపూజ, హోమాలు, సాయంత్రం స్వామీజీచే నామ సంకీర్తన. ఈనెల 17వ తేదీ ఉదయం 9 గంటలకు శ్రీరామనవమి వేడుకలు.
మొయినాబాద్‌ (రంగారెడ్డి జిల్లా) : ఈనెల 18 నుంచి 25వ తేదీ వరకు చిలుకూరు బాలాజీ ఆలయంలో బ్రహ్మోత్సవాలు. 21వ తేదీన సాయంత్రం పద్మావతి, అలివేలుమంగమ్మ సమేత బాలాజీ కల్యాణ మహోత్సవం, 23న సాయంత్రం రథోత్సవం.
జోగిపేట (సంగారెడ్డి జిల్లా) : జోగిపేటలో వైభవోపేతంగా సాగుతున్న జోగినాథస్వామి జాతరోత్సవాలు. ఈనెల 23వ తేదీ వరకు ప్రత్యేక అభిషేకపూజలు.
బెజ్జంకి (సిద్ధిపేట జిల్లా) : నేటి నుంచి ఈనెల 30వ తేదీ వరకు బెజ్జంకిలోని శ్రీలక్ష్మీనరసింహస్వామి ఆలయంలో బ్రహ్మోత్సవాలు.
తూఫ్రాన్‌ (మెదక్‌ జిల్లా) : నేటి నుంచి ఈనెల 24వ తేదీ వరకు కిష్టాపూర్‌ దారిలోని రామాలయంలో జాతరోత్సవాలు. నేటి సాయంత్రం అంకురార్పణ, రేపు ధ్వజారోహణం, ఈనెల 17న శ్రీసీతారాముల కల్యాణం, 24వ తేదీన రథోత్సవం.
యాదగిరిగుట్ట (యాదాద్రి భువనగిరి జిల్లా) : ఈనెల 17వ తేదీ ఉదయం 11 గంటలకు సురేంద్రపురి పంచముఖ హనుమదీశ్వరస్వామి ఆలయంలో శ్రీ సీతారామ కల్యాణం.
హన్మకొండ : శ్రీభద్రకాళి దేవాలయంలో ఈనెల 17వ తేదీ వరకు వసంత నవరాత్రి ఉత్సవాలు. రోజుకో రకం పూలతో అమ్మవారికి పుష్పార్చన. రేపు సీతా జన్మోత్సవం, 17న సాయంత్రం శ్రీసీతారాముల కల్యాణం.
కాళేశ్వరం (జయశంకర్‌ భూపాలపల్లి జిల్లా) : శ్రీకాళేశ్వర ముక్తీశ్వర స్వామి ఆలయంలో దర్శన వేళలు మార్పు. వేసవికాలం నేపథ్యంలో మధ్యాహ్నం 1 గంట నుంచి సాయంత్రం 4 గంటల వరకు ముక్తీశ్వర స్వామి ఆలయంతో పాటు అనుబంధ ఆలయాలు మూసివేత.
ఎర్రుపాలెం (ఖమ్మం జిల్లా) : జమలాపురం శ్రీవేంకటేశ్వరస్వామి దేవాలయంలో వసంత నవరాత్రి బ్రహ్మోత్సవాలు. వేదోక్తంగా అలివేలుమంగా పద్మావతి సమేత శ్రీవేంకటేశ్వరస్వామి కల్యాణోత్సవం. రేపు పుష్పయాగం, 17న సీతారాముల కల్యాణం.
వేములవాడ (రాజన్న సిరిసిల్ల జిల్లా) : శ్రీరాజరాజేశ్వరస్వామి ఆలయంలో శ్రీరామనవరాత్రి మహోత్సవాలు. 17వ తేదీ ఉదయం 11.59 గంటలకు శ్రీసీతారామచంద్రస్వామి దివ్య కల్యాణం, సాయంత్రం స్వామివారి రథోత్సవం, రాత్రి డోలోత్సవం.
మహబూబ్‌నగర్ : రామ్‌నగర్‌లోని రామకోటి స్తూపాల ఆలయంలో వసంత నవరాత్రి ఉత్సవాలు. శాస్త్రోక్తంగా స్వామివారికి కుంకుమార్చన. నేటి సాయంత్రం లలితా సహస్రనామ పారాయణం. 17న శ్రీసీతారాముల కల్యాణం, 18న పట్టాభిషేకం.
అడ్డాకల్‌ (మహబూబ్‌నగర్‌ జిల్లా) : కందూరు శ్రీరామలింగేశ్వరస్వామి ఆలయంలో ఈనెల 17వ తేదీ వరకు జాతరోత్సవాలు. అధిక సంఖ్యలో తరలివచ్చి రామలింగేశ్వరుడిని దర్శించుకుంటున్న భక్తులు.
కరీంనగర్‌ : నేటి నుంచి ఈనెల 27వ తేదీ వరకు ఇల్లందకుంటలోని శ్రీసీతారామచంద్రస్వామి ఆలయంలో బ్రహ్మోత్సవాలు. 17వ తేదీన సీతారాముల కల్యాణం.
రాయగడ (ఒడిశా) : న్యూకాలనీ రామాలయం, బ్రాహ్మణ వీధి కోదండ రామాలయంలో వసంత నవరాత్రోత్సవాలు. ఈనెల 17న శ్రీరామనవమి పురస్కరించుకొని సీతారాముల కల్యాణం.
రాయగడ (ఒడిశా) : ఈనెల 18 నుంచి 23వ తేదీ వరకు రాయగడలో మజ్జిగౌరమ్మ తల్లి చైత్ర పండుగ మహోత్సవాలు. 19న సాయంత్రం అమ్మవారి ఘటస్థాపన, 20న సాయంత్రం అమ్మవారి ఘటము ఊరేగింపు.
బెంగళూరు (కర్ణాటక) : ఈనెల 21 నుంచి మే 3వ తేదీ వరకు బెంగళూరులోని ఇస్కాన్‌ ఆలయంలో బ్రహ్మోత్సవాలు. 26న రుక్మిణీ సత్యభామ సమేత శ్రీకృష్ణ కల్యాణోత్సవం, మే1న బ్రహ్మరథోత్సవం.
రాయచూరు (కర్ణాటక) : నేతాజీనగర్‌ కాలనీలోని కోదండ రామదేవర ఆలయంలో శ్రీరామనవమి వేడుకలు. ఈనెల 17న ఉదయం పంచామృతాభిషేకం, పూలతో అలంకరణ, రథోత్సవం.
మధురై (తమిళనాడు) : శ్రీమీనాక్షి సుందరేశ్వరస్వామి ఆలయంలో నేత్రపర్వంగా చిత్తిరై ఉత్సవాలు. ఉత్సవాల్లో భాగంగా ప్రతీరోజు మీనాక్షి సుందరేశ్వరులకు విశేష వాహనసేవలు. ఈనెల 19న రాత్రి శ్రీమీనాక్షి పట్టాభిషేకం, 20న శ్రీమీనాక్షి దిగ్విజయం, 21న శ్రీమీనాక్షి సుందరేశ్వరుల తిరుకల్యాణం.
కాంచీపురం (తమిళనాడు) : రేపటి నుంచి ఈనెల 30వ తేదీ వరకు కచ్ఛపేశ్వర ఆలయంలో చైత్రమాస వార్షిక బ్రహ్మోత్సవాలు. రేపు ధ్వజారోహణంతో ప్రారంభంకానున్న ఉత్సవాలు. ఉత్సవాల్లో భాగంగా ప్రతీరోజు ఉదయం, రాత్రి వేళల్లో స్వామి, అమ్మవార్లకు వాహనసేవలు. 20న రాత్రి స్వామి, అమ్మవార్ల పరిణయ మహోత్సవం.
తమిళనాడు : తంజావూర్‌లోని బృహదీశ్వరాలయంలో చిత్తిరై ఉత్సవాలు. ఈనెల 20వ తేదీన రథోత్సవం, 23న తీర్థవారి, అదేరోజు సాయంత్రం వెండి వృషభ వాహనంలో పంచమూర్తుల ఊరేగింపు.
తమిళనాడు : నంగనల్లూర్‌లోని ఆంజనేయస్వామి ఆలయంలో శ్రీరామనవమి ఉత్సవాలు. ఈనెల 18వ తేదీ రాత్రి 7 గంటలకు స్వామివారి ఊరేగింపు.
కేరళ : శబరిమల అయ్యప్ప ఆలయంలో వైభవంగా మేడ విషు (నూతన సంవత్సర) వేడుకలు. ఈనెల 19న రాత్రి 10 గంటలకు తిరిగి ఆలయ ద్వారాలు మూసివేత.
డెహ్రాడూన్ : ఈ ఏడాది మే 10వ తేదీన ప్రారంభంకానున్న చార్‌ధామ్ యాత్ర. మే 10న తెరుచుకోనున్న కేధార్‌నాథ్, యమునోత్రి, గంగోత్రి ఆలయ ద్వారాలు. మే 12న బద్రీనాథ్ యాత్ర ప్రారంభం.
జమ్మూకశ్మీర్‌ : ఈ ఏడాది జూన్‌ 29వ తేదీ నుంచి అమర్‌నాథ్‌ యాత్ర. 52 రోజుల పాటు కొనసాగనునున్నట్లు ఆలయ బోర్డు వెల్లడి. నేటి నుంచి రిజిస్ట్రేషన్లు ప్రారంభం.

శ్రీరామనవమి నాడు మీ ఆత్మీయులను ఇలా విష్ చేయండి..!

భద్రాద్రి రామయ్య ముత్యాల తలంబ్రాలు ఎరుపు రంగులో ఎందుకు ఉంటాయి?

Edurukolu Utsavam LIVE : భద్రాచలంలో వైభవంగా శ్రీ సీతారాముల ఎదుర్కోలు ఉత్సవం

అన్ని దేవాలయాలు ఒకటి.. భద్రాద్రి ఒకటి.. ఇక్కడ ప్రత్యేకత ఏంటంటే..!

భద్రాద్రి రామయ్యకు గోటితో వలిచిన తలంబ్రాల వెనుక కథేంటి?

శ్రీ క్రోధినామ సంవత్సర “ఉగాది” రాశిఫలాలు

శ్రీ క్రోధినామ సంవత్సర “ఉగాది” రాశిఫలాలు

చివరిరోజు కోటిదీపోత్సవంలో పాల్గొన్న ప్రధాని మోడి

చివరిరోజు కోటిదీపోత్సవంలో పాల్గొన్న ప్రధాని మోడి

భక్తి టీవీ కోటి దీపోత్సవం 4వ రోజు (17-11-2023) కార్యక్రమాలు

భక్తి టీవీ కోటి దీపోత్సవం 4వ రోజు (17-11-2023) కార్యక్రమాలు

భక్తి టీవీ కోటి దీపోత్సవం 3వ రోజు (16-11-2023) కార్యక్రమాలు

భక్తి టీవీ కోటి దీపోత్సవం 3వ రోజు (16-11-2023) కార్యక్రమాలు

View all stories

అర్చన

శ్రీరామనవమి నాడు మీ ఆత్మీయులను ఇలా విష్ చేయండి..!

స్మార్ట్ ఫోన్ చేతిలో ఉన్న దగ్గర నుంచి జనాలకు డేస్ అన్నీ గుర్తొస్తున్నాయి. ఇక హిందువులకు పండుగలు మరింత ప్రత్యేకం. ఈ మధ్య కాలంలో కొంత మంది తెలిసినవారు ఒకరికొకరు ఎదురు పడితే జై శ్రీరాం అని విష్ చేసుకుంటున్నారు. ఈ మార్పునకు అయితే చాలా సంతోషం. ఇక సెల్‌ఫోన్‌లో విష్ చేసుకునే సమయంలో కాస్త సంప్రదాయబద్దంగా ఉంటే చూసేవారికి కూడా బాగుంటుంది. శ్రీరామనవమి పండుగ రోజున ప్రత్యేకంగా విష్

Edurukolu Utsavam LIVE : భద్రాచలంలో వైభవంగా శ్రీ సీతారాముల ఎదుర్కోలు ఉత్సవం

By: venkat

అన్ని దేవాలయాలు ఒకటి.. భద్రాద్రి ఒకటి.. ఇక్కడ ప్రత్యేకత ఏంటంటే..!

By: venkat

సీతమ్మకు.. చేయిస్తిని.. బంగారు చీరను రామచంద్రా..!

By: venkat

శ్రీ రామ నవమికి సర్వాంగ సుందరంగా ముస్తాబైన భద్రాద్రి.. నేడు ఎదుర్కోలు ఉత్సవం..!

By: venkat

భక్తులకు బ్యాడ్ న్యూస్.. భద్రాద్రి రామయ్య కల్యాణం లైవ్ టెలికాస్ట్ ఈ ఏడాది లేనట్టే..?

By: venkat