UPDATES

తిరుమల : తిరుమలలో కొనసాగుతున్న భక్తుల రద్దీ. దేవదేవుడి దర్శనార్థం 20 కంపార్టుమెంట్లలో భక్తులు. శ్రీవారి సర్వదర్శనానికి 8 గంటల సమయం.
తిరుపతి : ఈనెల 29 నుంచి వచ్చేనెల1వ తేదీ వరకు కార్వేటినగరం శ్రీవేణుగోపాలస్వామి ఆలయంలో వార్షిక వసంతోత్సవాలు.
చంద్రగిరి (తిరుపతి జిల్లా) : చంద్రగిరిలోని శ్రీకోదండరామస్వామి ఆలయంలో శ్రీరామనవమి వార్షిక బ్రహ్మోత్సవాలు. భక్తిశ్రద్ధలతో శ్రీరామపట్టాభిషేకం.
చిత్తూరు : నేటి నుంచి ఈనెల 28 తేదీ వరకు ప్రతీరోజు సాయంత్రం 6 గంటలకు పలమనేరు రోడ్డులోని డీఈవో ఆఫీస్‌ ఎదురుగా గల శ్రీనాగయ్య కళాక్షేత్రంలో "భక్త చింతామణి శతకం"పై డా.గరికిపాటి నరసింహరావు ప్రవచనం.
బేతంచర్ల (నంద్యాల జిల్లా) : బేతంచర్లలోని శ్రీదేవి, భూదేవి సమేత చెన్నకేశవస్వామి ఆలయంలో ఈనెల 28వ తేదీ వరకు బ్రహ్మోత్సవాలు.
అవుకు (నంద్యాల జిల్లా) : ఎర్రమల కొండల్లో వెలసిన శ్రీలక్ష్మీ కంబగిరి స్వామి ఆలయంలో వైభవంగా వార్షిక బ్రహ్మోత్సవాలు.
ఒంటిమిట్ట (వైఎస్‌ఆర్‌ జిల్లా) : ఒంటిమిట్ట కోదండ రామాలయంలో శ్రీరామనవమి వార్షిక బ్రహ్మోత్సవాలు. నేటి రాత్రి పుష్పయాగం.
ప్రొద్దుటూరు (వైఎస్‌ఆర్ జిల్లా) : ప్రొద్దుటూరులోని ముక్తీశ్వరాలయంలో వచ్చేనెల 2వ తేదీ వరకు బ్రహ్మోత్సవాలు. ప్రతీరోజు ఉదయం స్వామివారికి ప్రత్యేక అభిషేకార్చనలు, రాత్రి గ్రామోత్సవం. మే1వ తేదీ స్వామివారి రథోత్సవం.
రొళ్ల (శ్రీసత్యసాయి జిల్లా) : రత్నగిరిలోని కొల్లాపురి మహాలక్ష్మీ ఆలయంలో ఈనెల 29వ తేదీ వరకు వార్షిక బ్రహ్మోత్సవాలు.
రంపచోడవరం (అల్లూరి సీతారామరాజు జిల్లా) : నారాయణగిరిపై వేంచేసిన వేంకటేశ్వరస్వామి ఆలయంలో నేటితో వార్షిక బ్రహ్మోత్సవాలు పూర్తి.
సీలేరు (అల్లూరి సీతారామరాజు జిల్లా) : సీలేరులోని మోదకొండమ్మ అమ్మవారి ఆలయంలో వేడుకగా జాతరోత్సవాలు. రేపు అమ్మవారి ఊరేగింపు, 28న ప్రధాన జాతర.
నాగులుప్పలపాడు (ప్రకాశం జిల్లా) : కల్యాణోత్సవాల్లో భాగంగా వేదోక్తంగా సీతారాముల పట్టాభిషేకం. నేటి రాత్రి 9 గంటలకు అశ్వవాహనోత్సవం, రేపు ఉదయం 9 గంటలకు వసంతోత్సవం, రాత్రి 7 గంటలకు ధ్వజావరోహణం.
నాగులుప్పలపాడు (ప్రకాశం జిల్లా) : ఈనెల 28 నుంచి వచ్చేనెల 10వ తేదీ వరకు చదలవాడ శ్రీరఘునాయకస్వామి ఆలయంలో పుష్పయాగ మహోత్సవాలు.
మార్కాపురం (ప్రకాశం జిల్లా) : శ్రీలక్ష్మీచెన్నకేశవస్వామి ఆలయంలో వచ్చేనెల 9వ తేదీ వరకు బ్రహ్మోత్సవాలు. నేటి సాయంత్రం వ్యాలివాహనంపై విహరిస్తూ భక్తులను అనుగ్రహించనున్న చెన్నకేశవుడు.
రాచర్ల (ప్రకాశం జిల్లా) : జెల్లివారిపుల్లల చెరువు సమీపంలోని అటవీ ప్రాంతంలో కొలువైన నెమలిగుండ్ల రంగనాయకస్వామి ఆలయంలో వార్షిక బ్రహ్మోత్సవాలు. కనుల పండువగా స్వామివారి తెప్పోత్సవం.
నెల్లూరు : బాలాజీనగర్‌లోని శ్రీసీతారామచంద్రస్వామి ఆలయంలో వార్షిక బ్రహ్మోత్సవాలు. వైభవంగా వసంతోత్సవం. నేటి రాత్రి ఏకాంతసేవ.
నెల్లూరు : శ్రీవేణుగోపాలస్వామి ఆలయంలో వార్షిక బ్రహ్మోత్సవాలు. నేటి రాత్రి అశ్వవాహనంపై స్వామివారికి తిరువీధి ఉత్సవం.
బెజ్జంకి (సిద్ధిపేట జిల్లా) : బెజ్జంకిలోని శ్రీలక్ష్మీనరసింహస్వామి ఆలయంలో వార్షిక బ్రహ్మోత్సవాలు. ఈనెల 30వ తేదీ వరకు ప్రతీరోజ ఉదయం, రాత్రి స్వామివారికి ప్రత్యేక అభిషేకార్చనలు, వాహనసేవలు.
కాళేశ్వరం (జయశంకర్‌ భూపాలపల్లి జిల్లా) : శ్రీకాళేశ్వర ముక్తీశ్వర స్వామి ఆలయంలో దర్శన వేళలు మార్పు. వేసవికాలం నేపథ్యంలో మధ్యాహ్నం 1 గంట నుంచి సాయంత్రం 4 గంటల వరకు ముక్తీశ్వర స్వామి ఆలయంతో పాటు అనుబంధ ఆలయాలు మూసివేత.
కరీంనగర్‌ : ఇల్లందకుంటలోని శ్రీసీతారామచంద్రస్వామి ఆలయంలో రేపటి వరకు బ్రహ్మోత్సవాలు.
బెంగళూరు (కర్ణాటక) : బెంగళూరులోని ఇస్కాన్‌ ఆలయంలో వచ్చేనెల 3వ తేదీ వరకు బ్రహ్మోత్సవాలు. వేదోక్తంగా రుక్మిణీ సత్యభామ సమేత శ్రీకృష్ణ కల్యాణోత్సవం. నేటి సాయంత్రం స్వామివారికి పల్లకీసేవ. మే1న బ్రహ్మరథోత్సవం.
చెన్నై (తమిళనాడు) : ట్రిప్లికేన్‌లోని పార్థసారధి ఆలయంలో ఘనంగా చిత్తిరై బ్రహ్మోత్సవాలు. సూర్యప్రభవాహనంపై విహరిస్తూ భక్తులను కటాక్షించిన పార్థసారధి స్వామి. నేటి రాత్రి చంద్రప్రభవాహనోత్సవం.
తమిళనాడు : పొన్నేరులోని కరికృష్ణ పెరమాల్‌ ఆలయంలో వచ్చేనెల 4వ తేదీ వరకు బ్రహ్మోత్సవాలు. రేపు గరుడవాహనసేవ, 29న రథోత్సవం, మే3న తెప్పోత్సవం.
కాంచీపురం (తమిళనాడు) : కచ్ఛపేశ్వర ఆలయంలో చైత్రమాస వార్షిక బ్రహ్మోత్సవాలు. ఈనెల 28న తీర్థవారి, 29న శంఖాభిషేకం, 63 నాయాన్మార్లకు ప్రత్యేక పూజలు, 30న ఊజంల్‌సేవ.
డెహ్రాడూన్ : ఈ ఏడాది మే 10వ తేదీన ప్రారంభంకానున్న చార్‌ధామ్ యాత్ర. మే 10న తెరుచుకోనున్న కేధార్‌నాథ్, యమునోత్రి, గంగోత్రి ఆలయ ద్వారాలు. మే 12న బద్రీనాథ్ యాత్ర ప్రారంభం.
జమ్మూకశ్మీర్‌ : ఈ ఏడాది జూన్‌ 29వ తేదీ నుంచి అమర్‌నాథ్‌ యాత్ర. 52 రోజుల పాటు కొనసాగనున్న యాత్ర.
కోల్‌కత్తా (పశ్చిమ బెంగాల్‌) : రామకృష్ణ మఠం, రామకృష్ణ మిషన్‌ 17వ అధ్యక్షుడిగా స్వామి గౌతమానంద్‌జీ మహరాజ్‌ ఎన్నిక.

Contact Us

If you have any queries about this privacy statement, the practices of NTVTelugu.com, or your dealings with this Web site, please email us or contact us:

NTV Television Office

Rachana Television Private Limited,
Plot 564-A-19/III, Road 92,
Jubilee Hills, Hyderabad-500033, Telangana, India.
Ph: +91 040 22222255,
Fax: +91 040 22222276
Website: www.bhakthitv.in