UPDATES

తిరుమల : తిరుమలలో కొనసాగుతున్న భక్తుల రద్దీ. వైకుంఠ క్యూకాంప్లెక్స్‌లోని అన్ని కంపార్టుమెంట్లు నిండి వెలుపల క్యూలైన్‌లో వేచి ఉన్న భక్తులు. తిరుమలేశుడి సర్వదర్శనానికి 24 గంటల సమయం.
తిరుమల : క్యూలైన్‌ మేనేజ్‌మెంట్ సిస్టమ్‌పై తి.తి.దే. దృష్టి. క్యూలైన్‌లోని భక్తులను ఎప్పటికప్పుడు లెక్కించేందుకు ఏర్పాట్లు చేస్తున్న తి.తి.దే.
తిరుమల : జూన్‌ 9 నుంచి 11వ తేదీ వరకు శ్రీవారి ఆలయంలో జ్యేష్ఠాభిషేక ఉత్సవాలు. మూడు రోజుల పాటు శ్రీవారి ఆలయంలో ఆర్జిత సేవలు రద్దు చేసిన తి.తి.దే.
తిరుపతి : జూన్‌ 2 నుంచి 10వ తేదీ వరకు శ్రీగోవిందరాజస్వామి ఆలయంలో వార్షిక బ్రహ్మోత్సవాలు. జూన్ 1న సాయంత్రం ఉత్సవాలకు అంకురార్పణ. ఉత్సవాల్లో భాగంగా ప్రతీరోజూ ఉదయం, రాత్రి గోవిందరాజస్వామికి విశేష వాహనసేవలు.
తిరుపతి : జూన్‌ 3న అప్పలాయగుంటలోని ప్రసన్న వేంకటేశ్వరస్వామి ఆలయంలో కోయిల్‌ ఆళ్వార్‌ తిరుమంజనం.
తిరుపతి : జూన్‌ 7 నుంచి 15వ తేదీ వరకు అప్పలాయగుంటలోని ప్రసన్న వేంకటేశ్వరస్వామి ఆలయంలో వార్షిక బ్రహ్మోత్సవాలు. 6న అంకురార్పణ, 10న సాయంత్రం శ్రీనివాస కల్యాణం, 14న ఉదయం రథోత్సవం.
ఏర్పేడు (తిరుపతి జిల్లా) : రేపటి నుంచి పాతవీరాపురంలోని శ్రీకృష్ణ, శ్రీద్రౌపది దేవి సమేత శ్రీధర్మరాజస్వామి ఆలయంలో వార్షిక బ్రహ్మోత్సవాలు.
కాణిపాకం (చిత్తూరు జిల్లా) : శ్రీవరసిద్ధి వినాయకస్వామి ఆలయానికి అనుబంధంగా కొనసాగుతున్న శ్రీవీరాంజనేయస్వామి ఆలయంలో కుంభాభిషేక ఉత్సవాలు. భక్తిప్రవత్తులతో మహాకుంభాభిషేకం.
యాదమరి (చిత్తూరు జిల్లా) : త్రివేణి సంగమంలోని శ్రీదేవి, పెరిందేవి సమేత వరదరాజస్వామి ఆలయంలో వార్షిక బ్రహ్మోత్సవాలు. నేటి రాత్రి యాళివాహనంపై ఇంద్రవరదుడి గ్రామోత్సవం.
రొంపిచెర్ల (చిత్తూరు జిల్లా) : గానుగచింత పంచాయతీ పరిధిలోని దాసరిగూడంలో జూన్‌ 1వ తేదీ వరకు గోళ్లపల్లెమ్మ తిరుణాల మహోత్సవాలు. రేపు అమ్మవారి ఊరేగింపు, ఊంజల్‌సేవ.
వెదురుకుప్పం (చిత్తూరు జిల్లా) : జూన్‌ 4 నుంచి 6వ తేదీ వరకు పెరుమాళ్లపల్లెలోని కోదండరామాలయంలో కుంభాభిషేక మహోత్సవాలు.
నంద్యాల : సంజీవనగర్ కోదండ రామాలయంలో వైభవోపేతంగా స్వర్ణోత్సవ మహాకుంభాభిషేక మహోత్సవాలు.
ప్యాపిలి (నంద్యాల జిల్లా) : ఎన్‌.రాచర్లలోని హనుమత్‌సమేత సీతారామ లక్ష్మణస్వామి ఆలయంలో రేపటి వరకు విగ్రహ ప్రతిష్టాపనోత్సవాలు.
ప్యాపిలి (నంద్యాల జిల్లా) : ఏనుగమర్రిలోని వేణుగోపాలస్వామి ఆలయంలో విగ్రహ ప్రతిష్టాపనోత్సవాలు. శాస్త్రోక్తంగా స్వామివారికి అభిషేకాలు, మహామంగళహారతి. రేపు ధ్వజస్తంభ, విగ్రహ ప్రతిష్ట.
ఆదోని (కర్నూలు జిల్లా) : రేపు పోలీసు క్వార్టర్స్‌లోని అభయాంజనేయస్వామి ఆలయంలో 35వ వార్షికోత్సవ వేడుకలు. రేపు ఉదయం గణపతిపూజ, పంచామృతాభిషేకం, విశేష హోమాలు.
వీరబల్లి (అన్నమయ్య జిల్లా) : వంగిమళ్లలో భక్తిప్రవత్తులతో శ్రీఎల్లమ్మ జాతరోత్సవాలు. జూన్‌ 1వ తేదీ వరకు అమ్మవారికి పూజలు. అధిక సంఖ్యలో తరలివచ్చి అమ్మవారిని దర్శించుకొని మొక్కులు చెల్లించుకుంటున్న భక్తులు.
మామిడికుదురు (అంబేద్కర్‌ కోనసీమ జిల్లా) : జూన్‌ 5 నుంచి 9వ తేదీ వరకు అప్పనపల్లిలోని బాలబాలాజీస్వామి ఆలయంలో తిరుకల్యాణ మహోత్సవాలు.
ఆత్రేయపురం (అంబేద్కర్‌ కోనసీమ జిల్లా) : వాడపల్లి శ్రీవేంకటేశ్వరస్వామి 31 రోజుల హుండీ ఆదాయం రూ.1.32 కోట్ల నగదు, 112 గ్రాముల బంగారం, 980 గ్రాముల వెండి.
విజయవాడ (ఎన్టీఆర్‌ జిల్లా) : జూన్‌ 3 నుంచి 5వ తేదీ వరకు ఇంద్రకీలాద్రిపై మల్లేశ్వరాలయంలో నవగ్రహ మండప పునఃప్రతిష్ఠాపన ఉత్సవాలు.
విజయవాడ (ఎన్టీఆర్‌ జిల్లా) : జూన్‌ 11 నుంచి 15వ తేదీ వరకు చిట్టినగర్‌లోని శ్రీనగరాల శ్రీపద్మావతి గోదాదేవి సమేత గరుడాచల స్థిత శ్రీవేంకటేశ్వరస్వామి ఆలయంలో బ్రహ్మోత్సవాలు.
పెడన (కృష్ణా జిల్లా) : దావోజీపాలెంలో అమలేశ్వరీ దేవి ఉత్సవాలు. జూన్‌ 1వ తేదీ వరకు అమ్మవారికి ప్రత్యేక పూజలు. అమ్మవారి దర్శనార్థం అధిక సంఖ్యలో తరలివస్తున్న భక్తులు.
తెనాలి (గుంటూరు జిల్లా) : బుర్రిపాలెంరోడ్డులోని ఓంకారాశ్రమ ప్రాంగణంలో కొత్తగా నిర్మించిన పార్వతీ సమేత ఓంకారేశ్వరస్వామి ఆలయంలో విగ్రహ ప్రతిష్టాపనోత్సవాలు. రేపు పరివార దేవతా, శిఖర, ధ్వజస్తంభం, శరభ సాళ్వేశ్వర, పార్వతీ సమేత ఓంకారేశ్వర స్వామి విగ్రహాల ప్రతిష్ట.
నిజాంపట్నం (బాపట్ల జిల్లా) : జూన్‌ 6 నుంచి 9వ తేదీ వరకు కోసూవారిపాలెంలో నూతనంగా నిర్మించిన గుడారంకమ్మ ఆలయంలో విగ్రహ ప్రతిష్టాపన మహోత్సవాలు.
సింహాచలం (విశాఖపట్నం జిల్లా) : శ్రీవరాహలక్ష్మీనృసింహస్వామి ఆలయంలో జ్యేష్ఠమాసోత్సవాలు. గంగధార సమీపం సీతారామస్వామి ఆలయంలో భక్తిశ్రద్ధలతో సంక్షిప్తరామాయణ హవనం, అప్పన్న సన్నిధిలో శ్రీరామ పట్టాభిషేక సర్గ విసర్గ విన్నపం.
గజపతినగరం (పార్వతీపురం మన్యం జిల్లా) : బజార్ సెంటర్‌లోని శ్రీవేంకటేశ్వరస్వామి ఆలయంలో వార్షిక బ్రహ్మోత్సవాలు. వేదోక్తంగా శ్రీవారి తిరుకల్యాణం. రేపు దీపోత్సవం, జూన్‌ 1న పుష్పయాగం.
నరసన్నపేట (శ్రీకాకుళం జిల్లా) : జూన్‌ 2 నుంచి 5వ తేదీ వరకు రెడ్డికపేట-బడివలస గ్రామాల మధ్య ఉన్న శ్రీరాంపాడు హలహాలేశ్వర స్వామి ఆలయంలో పునఃప్రతిష్టాపన ఉత్సవాలు.
హైదరాబాద్‌ : జూన్‌ 6న ఖైరతాబాద్‌లో మహాగణపతి ఉత్సవాలకు శ్రీకారం. 6న సాయంత్రం 5.30 గంటలకు శ్రీగణేష్‌ ఉత్సవ కమిటీ, ఖైరతాబాద్‌ గణేష్‌ ఉత్సవ కమిటీ ఆధ్వర్యంలో 71వ గణేష్‌ ఉత్సవాలకు కర్రపూజ (తొలిపూజ).
హైదరాబాద్‌ : జూన్‌ 2 నుంచి 7వ తేదీ వరకు హిమాయత్‌నగర్‌లోని తి.తి.దే. శ్రీవేంకటేశ్వరస్వామి ఆలయంలో వార్షిక బ్రహ్మోత్సవాలు. జూన్‌ 2న సాయంత్రం అంకురార్పణ, 3న ఉదయం 6.30 గంటలకు ధ్వజారోహణం, 5న ఉదయం 10.30 గంటలకు శ్రీవారి శాంతి కల్యాణం, 6న ఉదయం 8.30 గంటలకు రథోత్సవం.
హైదరాబాద్‌ : జూన్‌ 26వ తేదీ నుంచి భాగ్యనగరంలో ఆషాఢమాసం బోనాల జాతరోత్సవాలు. జూన్‌ 26న గోల్కొండ అమ్మవారికి మొదటి బోనంతో జాతరోత్సవాలకు శ్రీకారం, 29న విజయవాడ శ్రీకనకదుర్గమ్మకు రెండో బోనం సమర్పణ, జులై 2న బల్కంపేట అమ్మవారికి మూడో బోనం, జులై 4న జూబ్లీహిల్స్‌ పెద్దమ్మ తల్లికి నాలుగో బోనం, 10న సికింద్రాబాద్‌ ఉజ్జయినీ మహంకాళి అమ్మవారికి 5వ బంగారు బోనం, 15న చార్మినార్‌ భాగ్యలక్ష్మీ అమ్మవారికి ఆరో బంగారు బోనం, జులై 17న లాల్‌ దర్వాజా సింహవాహిని అమ్మవారికి చివరి బోనం సమర్పణ.
హైదరాబాద్‌ : జులై 13న సికింద్రాబాద్‌ ఉజ్జయినీ మహంకాళి బోనాలు, 14న రంగం, అంబారీపై అమ్మవారి ఘటం ఊరేగింపు, జులై 20న లాల్‌దర్వాజా బోనాలు.
హైదరాబాద్‌ : జులై 11న పాతబస్తీలో కలశ స్థాపన, జులై 13న శాలిబండ నుంచి అమ్మవారి ఘట స్థాపన, సామూహిక ఊరేగింపు, జులై 20న పాతబస్తీతో పాటు భాగ్యనగరంలో బోనాల జాతర, జులై 21న పాతబస్తీలో అమ్మవారి సామూహిక ఘటాల ఊరేగింపు.
మల్కాజిగిరి (మేడ్చల్‌ జిల్లా) : పోలీస్‌స్టేషన్ రోడ్డులోని హనుమాన్‌ దేవస్థానంలో దేవతామూర్తుల విగ్రహ పునఃప్రతిష్టాపనోత్సవాలు. ఘనంగా వేదస్వస్తి, దీక్షాహోమం. రేపు చండీ, హనుమాన్‌చాలీసా పారాయణాలు, సుందరకాండ, చండీహోమం, జూన్‌ 1న నవగ్రహ దేవతా మంత్ర అనుష్టానములు, 2న ఉదయం 8.17 గంటలకు విగ్రహాలకు ప్రాణప్రతిష్ట, పూర్ణాహుతి, మహాకుంభాభిషేకం.
సిద్ధిపేట : శ్రీఉమాపార్దివ కోటిలింగేశ్వరస్వామి ఆలయంలో రేపటి వరకు బ్రహ్మోత్సవాలు.
సంగారెడ్డి : ఐఐటీ హైదరాబాద్‌లో జూన్‌ 1వ తేదీ వరకు అంతర్జాతీయ సాంస్కృతిక, సంగీత సదస్సు. యువతకు సంప్రదాయ సంగీతంపై అవగాహన కల్పించేందుకు "స్పిక్‌ మకాయ్‌ 10" పేరిట సదస్సు.
కనగల్ (నల్గొండ జిల్లా) : జూన్‌ 5 నుంచి 7వ తేదీ వరకు దర్వేశిపురంలోని రేణుక ఎల్లమ్మ ఆలయంలో బ్రహ్మోత్సవాలు.
వేములపల్లి (నల్గొండ జిల్లా) : రావులపెంటలోని లక్ష్మీతిరుపతమ్మ గోపయ్య స్వామి ఆలయంలో జాతరోత్సవాలు. శాస్త్రోక్తంగా గోపయ్య సమేత లక్ష్మీ తిరుపతమ్మ కల్యాణం. అమ్మవారికి బోనాలు సమర్పించి మొక్కులు చెల్లించుకుంటున్న భక్తులు.
వేములవాడ (రాజన్న సిరిసిల్ల జిల్లా) : శ్రీరాజరాజేశ్వరస్వామి ఆలయంలో పునర్వసు నక్షత్రం సందర్భంగా భక్తిశ్రద్ధలతో మహన్యాస పూర్వక ఏకాదశ రుద్రాభిషేకం, శ్రీసీతారామచంద్రస్వామి వారికి పంచోపనిషత్ ద్వారా అభిషేకాలు. నేటి సాయంత్రం సదస్యం.
నిజామాబాద్‌ : ఆర్యనగర్‌ లక్ష్మీవేంకటేశ్వరస్వామి ఆలయంలో జూన్‌ 1వ తేదీ వరకు వార్షిక బ్రహ్మోత్సవాలు.
హోసూరు (కర్ణాటక) : డెంకణీకోట తాలూకా కుందుమారనపల్లి గ్రామంలోని కోదండరామస్వామి ఆలయంలో కుంభాభిషేక ఉత్సవాలు. వైభవంగా మహాగణపతి, నవగ్రహాలు, సంజీవరాయస్వామి, సీతారామ లక్ష్మణులు, శ్రీకృష్ణుడు రుక్మిణి, రమాదేవి సత్యనారాయణస్వామి విగ్రహాల ప్రతిష్ట, నూతన విమాన గోపురాలు, రాజగోపురము అష్టబంధన ప్రతిష్టాపన కుంభాభిషేకం. రేపటి నుంచి 48 రోజుల పాటు మండలాభిషేక పూజలు.
గోపాలపూర్‌ (ఒడిశా) : పూరీ శ్రీజగన్నాథస్వామి ఆలయంలో చందనయాత్ర వేడుకలు. జూన్‌ 5న శ్రీక్షేత్రం లోపల రత్నసింహాసంనపై జగన్నాథ, బలభద్ర, సుభద్రల రాజేంద్రాభిషేకం, 6న రుక్మిణి హరణ ఏకాదశి, 7న చంపక ద్వాదశి, 9న దైతాపతుల ఆలయ ప్రవేశం, 10న స్వామి సన్నిధిలో హోమం, సెనాపట ధారణ వేడుక, జూన్‌ 11న శ్రీక్షేత్రం మేఘనాథ ప్రహారీ పరిధిలోని దేవస్నాన వేదికపై జగన్నాథ, బలభద్ర, సుభద్ర, సుదర్శనుల స్నానవేడుక, సాయంత్రం 4 గంటలకు జగన్నాథుని గజానన అవతారం, రాత్రి 11 గంటలకు "ఒనసొనొ" (చీకటి మందిరం) పొహండి, 12వ తేదీ నుంచి చీకటిమందిరంలో పురుషోత్తముడికి గోప్య చికిత్సలు.
గోపాలపూర్‌ (ఒడిశా) : జూన్‌ 27న జగన్నాథ రథయాత్ర. 27న తెల్లవారుజామున 3 గంటలకు ఆలయం తలుపులు తెరవనున్న సేవాయత్‌లు, అనంతరం చతుర్థామూర్తుల దైనందిన, ఇతర గోప్యసేవలు, ఉదయం 9 గంటలకు నందిఘోష్‌, తాళధ్వజ, దర్పదళన్ రథాల ప్రతిష్ఠ, 9.30 గంటలకు చతుర్థామూర్తుల పొహండి, మధ్యాహ్నం 2 గంటలకు చెరాపహరా, 3 గంటలకు రథాలకు అశ్వాలు, సారథుల అమరకి, సాయంత్రం 4 గంటలకు రథయాత్ర ప్రారంభం, తొమ్మిది రోజుల పాటు గుండిచా మందిరంలో చతుర్థామూర్తులకు సేవలు, జులై 4న గుండిచా మందిరంలో నవమి సంధ్యదర్శనం, 5న బహుడా (తిరుగురథయాత్ర), 6న శ్రీక్షేత్ర ఆవరణలో జగన్నాథుని సున్నాభెషొ, 7న అథరణపొణా ఉత్సవం, 8న నీలాద్రిబిజె వేడుకతో రథయాత్ర ముగింపు.
కాంచీపురం (తమిళనాడు) : వరదరాజ పెరుమాళ్‌ ఆలయంలో వసంతోత్సవాలు. వసంతమండపంలో శాస్త్రోక్తంగా పెరుమాళ్‌కు తిరుమంజనం. నేటి సాయంత్రం 6 గంటలకు మాడవీధుల్లో అశ్వవాహనంపై స్వామివారి ఊరేగింపు, అనంతరం పుష్కరిణిలో తీర్థవారి.
కేరళ : జూన్‌ 4, 5 తేదీల్లో శబరిమల అయ్యప్ప ఆలయంలో వేడుకగా వార్షిక విగ్రహ ప్రతిష్టాపన ఉత్సవం.

Brahma

భండాసురుడు ఎవరు? అతని వథ గురించి తెలుసా?

On: May 27, 2025

ఏపీలో ఉన్న రావణాసురుడి ఆలయం గురించి తెలుసా?

On: May 25, 2025

ఈ ముస్లిం దేశంలో ఏ ఏ హిందూ దేవుళ్ల ఆలయాలున్నాయంటే..

On: May 21, 2025

అన్నదమ్ముల ఔన్నత్యాన్ని తెలిపే కథను ధర్మరాజుకి వివరించిన నారదుడు.. అదేంటంటే..

On: May 16, 2025

30 నిమిషాల పాటు ఓంకారాన్ని పటిస్తే ఏం జరుగుతుందో తెలుసా?

On: May 15, 2025

కొడుకు ఆ మంత్రం చెబితే కానీ తల్లి శరీరాన్ని వీడదట..

On: May 13, 2025

నారద మహర్షి రచనల గురించి తెలుసా?

On: May 13, 2025

శివుడు గజ, కాల సంహారమూర్తి అవతారాలు ఎందుకు ఎత్తాల్సి వచ్చిందంటే..

On: May 13, 2025

శివ సంహార రూపాల గురించి తెలుసా?

On: May 12, 2025

నవరాత్ర దీక్ష గురించిన కథ మీకు తెలుసా?

On: May 9, 2025