హనుమాన్ చాలీసా

శ్రీ హనుమాను గురుదేవు చరణములు
ఇహపర సాధక శరణములు

బుద్ధిహీనతను కలిగిన తనువులు
బుద్బుధములని తెలుపు సత్యములు

శ్రీ హనుమాను గురుదేవు చరణములు
ఇహపర సాధక శరణములు

జయ హనుమంత జ్ఞానగుణవందిత
జయ పండిత త్రిలోకపూజిత

రామ దూత అతులిత బలధామ
అంజనీపుత్ర పవనసుతనామ

ఉదయ భానుని మధుర ఫలమని
భావన లీల అమృతమును గ్రోలిన

కాంచనవర్ణ విరాజిత వేష
కుండలమండిత కుంచిత కేశ

శ్రీ హనుమాను గురుదేవు చరణములు
ఇహపర సాధక శరణములు

రామ సుగ్రీవుల మైత్రిని గొలిపి
రాజపదవి సుగ్రీవున నిలిపి

జానకీపతి ముద్రిక దోడ్కొని
జలధి లంఘించి లంక జేరుకొని

సూక్ష్మరూపమున సీతను జూచి
వికట రూపమున లంకను గాల్చి

భీమ రూపమున అసురుల జంపిన
రామ కార్యమును సఫలము జేసిన

శ్రీ హనుమాను గురుదేవు చరణములు
ఇహపర సాధక శరణములు

సీత జాడగని వచ్చిన నిను గని
శ్రీ రఘు వీరుడు కౌగిట నినుగొని

సహస్ర రీతుల నిను కొనియాడగ
కాగల కార్యము నీపై నిడగ

వానరసేనతో వారధి దాటి
లంకేశునితో తలబడి పోరి

హోరు హోరునా పోరు సాగిన
అసురసేనల వరుసన గూల్చిన

శ్రీ హనుమాను గురుదేవు చరణములు
ఇహపర సాధక శరణములు

లక్ష్మణ మూర్చ తో రాముడడలగ
సంజీవి దెచ్చిన ప్రాణప్రదాత

రామ లక్ష్మణుల అస్త్ర ధాటికీ
అసురవీరులు అస్తమించిరి

తిరుగులేని శ్రీ రామభాణము
జరిపించెను రావణ సంహారము

ఎదురు లేని ఆ లంకాపురమున
ఏలికగా విభీషణను జేసిన

శ్రీ హనుమాను గురుదేవు చరణములు
ఇహపర సాధక శరణములు

సీతారాములు నగవుల గనిరి
ముల్లోకాల హారతులందరి

అంతులేని ఆనంద ఆశ్రువులే
అయోద్యాపురి పొంగి పొరలే

సీతారాముల సుందర మందిరం
శ్రీ కాంతువదం నీ హృదయం

రామచరిత కర్ణామృత గాన
రామనామ రసామృత పాన

శ్రీ హనుమాను గురుదేవు చరణములు
ఇహపర సాధక శరణములు

దుర్గమమగు ఎ కార్యమైనా
సుగామమే యగు నీకృప జాలిన

కలుగు సుఖములు నినుసరనన్న
తొలగు భయములు నీ రక్షణ యున్న

రామద్వారపు కాపరివైన నీ
కట్టడి మీర బ్రహ్మాదుల తరమా

భూత పిశాచ శాకిని ఢాకిని
భయపడి పారు నీ నామజపము విని

శ్రీ హనుమాను గురుదేవు చరణములు
ఇహపర సాధక శరణములు

ధ్వజావిరాజా వజ్రశరీరా
భుజబలతేజా గదాధరా

ఈశ్వరాంశ సంభూత పవిత్రా
కేసరీపుత్ర పావనగాత్రా

సనకాదులు బ్రహ్మాది దేవతలు
శారద నారద ఆదిశేషులు

యమ కుభేర దిగ్పాలురు కవులు
పులకితులైరి నీ కీర్తి గానముల

శ్రీ హనుమాను గురుదేవు చరణములు
ఇహపర సాధక శరణములు

సోదర భరత సమానా యని
శ్రీ రాముడు ఎన్నిక గొన్న హనుమా

సాదుల పాలిట ఇంద్రుడవన్నా
అసురుల పాలిట కాలుడవన్నా

అష్ట సిద్ధి నవనిధులకు దాతగ
జానికీమాత దీవించెనుగా

రామ రసామృత పానము జేసిన
మృత్యుంజయుడవై వెలసిన

శ్రీ హనుమాను గురుదేవు చరణములు
ఇహపర సాధక శరణములు

నీ నామ భజన శ్రీరామ రంజన
జన్మ జన్మాంతర దుఃఖభంజన

ఎచ్చటుండినా రఘువరదాసు
చివరకు రాముని చేరుట తెలుసు

ఇతర చింతనలు మనసున మోతలు
స్థిరముగ మారుతి సేవలు సుఖములు

ఎందెందున శ్రీరామ కీర్తన
అందందున హనుమాను నర్తన

శ్రీ హనుమాను గురుదేవు చరణములు
ఇహపర సాధక శరణములు

శ్రద్ధగ దీనిని ఆలకింపుమా
శుభమగు ఫలములు కలుగు సుమా

భక్తి మీరగా గానము చేయగ
ముక్తి కలుగు గౌరీశులు సాక్షిగ

తులసిదాస హనుమాను చాలిసా
తెలుగున సులువుగ నలుగురు పాడగ

పలికిన సీతారాముని పలుకున
దోషములున్న మన్నింపుమన్న

శ్రీ హనుమాను గురుదేవు చరణములు
ఇహపర సాధక శరణములు

మంగళ హారతి గొను హనుమంతా
సీతారామలక్ష్మణ సమేత ।
నా అంతరాత్మ నిలుమో అనంతా
నీవే అంతా శ్రీ హనుమంతా ॥

ఓం శాంతిః శాంతిః శాంతిః ।