శరత్ పున్నమికి సంబంధించిన కొన్ని ముఖ్యమైన విషయాలను గురించి తెలుసుకుందాం. శరత్ పున్నమి రోజున చంద్రుడు 16 దశలతో నిండి ఉంటాడు. అమృత వర్షం శరత్ పున్నమిని అత్యంత ముఖ్యమైనదిగా పరిగణిస్తాడు. ఈ రోజున చంద్రుడిలో ఉండే 16 దశలను మానవ జీవితంలోని మానసిక ప్రశాంతత, అందం, బలం, జ్ఞానం, ఆధ్యాత్మిక వంటి వాటితో పోలుస్తారు. వీటన్నింటి పురోగతికి సంబంధించినదిగా పేర్కొంటారు. శరత్ పున్నమి నాటి రాత్రి గోపికలతో కలిసి శ్రీకృష్ణుడు మహారాసలీలను ప్రదర్శించాడని చెబుతారు. దీనికి సంబంధించి ఇంకొక ఆసక్తికర విషయం కూడా ఉంది.
శరత్ పున్నమి నాడు సంపదకు దేవత అయిన లక్ష్మీదేవి భూమిపైన సంచరిస్తుందట. అంతేకాకుండా ఈ రోజున ఉపవాసం ఉండి లక్ష్మీదేవిని పూజించిన వారికి అష్టైశ్వర్యాలూ లభిస్తాయని నమ్మకం. అందుకే ఈ శరత్ పూర్ణమిను ‘కోజాగరి’ పూర్ణిమ అని కూడా పిలుస్తారు. ఇది ఆయుర్వేద పరంగా చూస్తే శరత్ పున్నమి నాటి రాత్రి చంద్రుని నుంచి వచ్చే కిరణాలు చాలా శక్తివంతమైనవిగా చెబుతారు. అలాగే చంద్రునికి పెట్టిన పాయసంలో ఉదయానికి అమృతంగా మారుతుందట. దీనిని స్వీకరించడం వలన అనారోగ్యం అనేది దరి చేరదట. ఏమైనా ఆరోగ్య సమస్యలున్నా తొలగిపోతాయని చెబుతారు.