హిందూ మతంలో ఏకాదశికి అధిక ప్రాముఖ్యత ఉంటుంది. ఎందుకంటే ఏకాదశి విష్ణుమూర్తికి ఇష్టమైన రోజుగా చెబుతారు. కాబట్టి ఈ రోజున విష్ణుమూర్తిని పూజిస్తారు. హిందూ క్యాలెండర్ ప్రకారం నెలకు రెండు ఏకాదశులు.. ఏడాదికి 24 ఏకాదశులు ఉంటాయి. వైశాఖ మాసం బహుళ పక్షంలో వచ్చే ఏకాదశి, అలాగే కృష్ణ పక్షంలో వచ్చే ఏకాదశి. అన్ని ఏకాదశులలో అపర ఏకాదశి అత్యంత పవిత్రమైనది. ఈ రోజున ఏకాదశి వ్రతం ఆచరిస్తే అశ్వమేథ యాగం చేసిన ఫలితం వస్తుంది. వైశాఖ మాసం కృష్ణ పక్షంలో వచ్చే ఏకాదశిని అపర ఏకాదశి అంటారు.
ఏకాదశి నాడు చేసే ఉపవాసానికి అత్యంత ప్రాధాన్యత ఉంది. ఈ రోజున లక్స్మీనారాయణులను, తులసి మొక్కను సైతం పూజిస్తారు. అపర ఏకాదశి ఉపవాసం ఉండి విష్ణుమూర్తిని ఆరాధించడం వల్ల మంచి జరుగుతుందట. తులసి, గంధం, కర్పూరం, గంగా జలాలతో విష్ణుమూర్తిని పూజించాలని పండితులు చెబుతున్నారు. ఈ రోజున చేసే ఉపవాసం కారణంగా… కర్మ ఫలం వలన మరణానంతరం వచ్చే బాధలకు విముక్తి కలుగుతుందట. అలాగే జీవితంలో సంపద, శ్రేయస్సును కాపాడుకోవడం జరుగుతుంది. అపర ఏకాదశిని అచల ఏకాదశి అని కూడా అంటారు.