c
గతంలో ఈ ఆలయం మీద శ్రీ వైష్ణవుల ఆధిపత్యంతో పాటు కేరళ ప్రభుత్వం అధికారం కూడా ఈ ఆలయం మీద ఎక్కువగా ఉండేది. తర్వాతి కాలంలో కేరళ, తమిళనాడు రాష్ట్రాలు విడిపోయాక ఈ ఆలయం తమిళనాడు పరిధిలోకి వెళ్లిపోయింది. దీంతో కేరళ ప్రభుత్వం ఆధిపత్యం తగ్గింది. ఇక్కడి వినాయకుడి విగ్రహం ఎలా దొరికిందనేది తెలుసుకుందాం. ప్రస్తుతం ఈ ఆలయం ఉన్న కేరళ పురం ప్రాంతాన్ని పరిపాలించిన రాజు గారు తీర్ధయాత్రలు చేయడం ఆరంభించారట.
అందులో భాగంగా రామేశ్వరం వెళ్లారట. అక్కడ తన పరివారంతో కలసి దక్షిణ సముద్రంలో స్నానం చేస్తున్నారట. ఆ సమయంలో ఒక వినాయక విగ్రహం సముద్ర కెరటాలలో కొట్టుకు వస్తూ రాజుగారికి కనిపించిందట. ఆ విగ్రహాన్ని రాజుగారు రామేశ్వరం రాజుకి అప్పగించబోయారట. దొరికిన వారికే ఆ విగ్రహం చెందడం ధర్మం అని భావించారట. అందుకే రామేశ్వరం రాజు ఆ విగ్రహాన్ని కేరళపురం రాజుకే ఇచ్చేశారట. దానితో పాటు మరొక మరకత గణపతిని సైతం బహూకరించాడని చెబుతారు. కేరళ పురం రాజుగారు ఆ రెండు విగ్రహాలను తన రాజ్యానికి తీసుకుని వచ్చి ప్రతిష్ఠించాడు. అలా విఘ్నేశ్వరుడు కేరళపురానికి చేరాడు.