UPDATES

అయోధ్య : బాలక్‌రామ్‌ ఆలయంలో ప్రాణప్రతిష్టా వార్షికోత్సవ వేడుకలు. బాలరాముడి విగ్రహం ప్రతిష్టించి ఏడాదైన సందర్భంగా మూడు రోజుల పాటు ప్రత్యేక పూజలు. ప్రాణప్రతిష్ట ద్వాదశి సందర్భంగా బాలరాముడి విగ్రహానికి శాస్త్రోక్తంగా అభిషేకం, మహాహారతి. నేడు ఉత్తరప్రదేశ్ ముఖ్యమంత్రి యోగి ఆదిత్యనాథ్ చేతుల మీదుగా రామచంద్రునికి మహాభిషేకం, మహానీరాజనం. ఆలయ ప్రాంగణంలో మూడురోజులపాటు సంగీతోత్సవాలు.
ఉత్తరప్రదేశ్‌ : ఆధ్యాత్మిక సంబరానికి ముస్తాబైన ప్రయాగ్‌రాజ్‌. ఈనెల 13వ తేదీ నుంచి ప్రారంభంకానున్న పుణ్యస్నానాలు. త్రివేణి సంగమంలో 45 రోజుల పాటు కొనసాగనున్న మహాకుంభమేళ. మహాకుంభమేళాకు ముందుగానే తరలివస్తున్న భక్తులు. సాధుసంతులతో కళకళలాడుతున్న శిబిరాలు. ముందుగానే పుణ్యస్నానాలతో తరిస్తున్న భక్తులు.
కుంభమేళాలో అమృతస్నానాల తేదీలు : జనవరి 13 భోగి పుష్యపౌర్ణమి రోజున తొలి రాచస్నానం, జనవరి 14 మకర సంక్రాంతి రోజున రెండో రాచస్నానం, జనవరి 29న మౌని అమావాస్య రోజున మూడో రాచస్నానం, ఫిబ్రవరి 3 వసంత పంచమి రోజున నాలుగో రాచస్నానం, ఫిబ్రవరి 12 మాఘపూర్ణిమ రోజున ఐదో రాచస్నానం, ఫిబ్రవరి 26 మహాశివరాత్రి పర్వదినాన ఆరో రాచస్నానం.
ప్రతి 144 ఏళ్లకొకసారి జరిగేది మహాకుంభమేళా, 12 ఏళ్లకొకసారి జరిగేది పూర్ణకుంభమేళా, ఆరేళ్ల కొకసారి జరిగేది అర్ధకుంభమేళా. గ్రహగతుల ఆధారంగా కుంభమేళాల కాల నిర్ణయం.
కుంభమేళాలో ప్రత్యేక ఆకర్షణ నాగాసాధువులు. జడలు కట్టిన జుట్టుతో... ఎముకలు కొరికే చలిలో దేహంపై విబూది తప్ప... నూలిపోగు ధరించకుండా త్రిశూలాలు పట్టుకొని శివనామస్మరణ చేసే నాగాసాధువులను చూడడానికి అనేక దేశాల నుంచి తరలివచ్చే పర్యాటకులు.
ప్రయాగరాజ్‌ క్షేత్రంలో దర్శించదగిన ఆలయాలు : ద్వాదశ మాధవ ఆలయాలు, హనుమాన్ మందిరం, జ్యోతిర్లింగ ప్రాంగణం, మాధవేశ్వరి అష్టాదశశక్తిపీఠం, అడుగడుగునా ఆలయాలతో దర్శనమిచ్చే పుణ్యనగరి.
మహాకుంభమేళాలో భక్తుల కోసం తొలిసారి తెలుగు, హిందీ, ఇంగ్లీష్ సహా 11 భాషల్లో ఏఐ చాట్‌బాట్‌. మహాకుంభమేళా విశేషాలతో పాటు చరిత్ర, పూజలు, విడిది సౌకర్యాలు తెలుసుకునేందుకు ఏఐ చాట్‌బాట్ ఏర్పాటు. కుంభమేళాలలో పారామిలిటరీ బలగాలతో పాటు 50 వేల సిబ్బందితో కుంభమేళాలో భద్రతా ఏర్పాట్లు. కృత్రిమ మేధ సాంకేతికతతో కూడిన 2700 కెమెరాలు ఏర్పాటు. తొలిసారి అండర్‌వాటర్ డ్రోన్లు వినియోగం. ఒకేసారి ఉపయోగించే ప్లాస్టిక్‌పై నిషేధం.
భక్తులకు తాత్కాలిక వసతి కల్పించేందుకు వేలాది టెంట్లు, షెల్టర్లతో "మహాకుంభ్‌నగర్‌" ఏర్పాటు. 1.6 లక్షల టెంట్లతో పాటు 1.5 లక్షల మరుగుదొడ్లు నిర్మాణం. మార్గనిర్దేశం చేసేందుకు హిందీ, ఇంగ్లీష్, ప్రాంతీయ భాషలతో కూడిన 800 బోర్డులు ఏర్పాటు. దేశ సాంస్కృతిక వారసత్వం, వైవిధ్యాన్ని ప్రదర్శించేందుకు ప్రయాగ్‌రాజ్‌లో "కళాగ్రామ్‌" ఏర్పాటు. 400 కిలోమీటర్ల తాత్కాలిక రోడ్లు, 30 జల్లకట్టు వంతెనలు నిర్మాణం. 1800 హెక్టార్లలో పార్కింగ్‌ ఏర్పాట్లు, 15,000 మంది శానిటేషన్‌ సిబ్బందిని నియమించిన ఉత్తరప్రదేశ్‌ ప్రభుత్వం.
కుంభమేళాకు వచ్చే భక్తుల కోసం ప్రయాగ్‌రాజ్‌ రైల్వే స్టేషన్‌లో రైల్వే శాఖ ప్రత్యేక ఏర్పాట్లు. స్టేషన్‌లోని ప్లాట్‌ఫామ్‌లతో పాటు పలు ప్రాంతాల్లో క్యూఆర్‌ కోడ్‌ ఉండే జాకెట్‌ ధరించిన సిబ్బంది ఉండేలా ఏర్పాట్లు. క్యూఆర్ కోడ్‌ స్కాన్ చేసి అన్‌రిజర్వుడ్‌ టికెట్లు పొందేందుకు భక్తులకు వెసులుబాటు.
ప్రయాగ్‌రాజ్‌ రైల్వే స్టేషన్‌లో స్లీపింగ్ పాడ్స్‌ను అందుబాటులోకి తెచ్చిన రైల్వే శాఖ. జంటల కోసం ఆకుపచ్చ రంగు, మహిళల కోసం పింక్ కలర్‌లో ఉండే పాడ్స్‌ కేటాయింపు. స్లీపింగ్ పాడ్స్‌లో ఏసీతో పాటు ఛార్జింగ్‌ సౌకర్యం.
కేరళ : శరణుఘోషతో మారుమోగుతున్న శబరిగిరులు. మరో మూడు రోజుల్లో మకరజ్యోతి దర్శనం. అయ్యప్ప దర్శనార్థం లక్షలాది భక్తులు. పంబ నుంచి సన్నిదానం వరకు క్యూలైన్‌లో బారులు తీరిన భక్తులు. భక్తుల రద్దీ పెరగడంతో వనయాత్ర చేసే భక్తులకు కల్పించిన ప్రత్యేక దర్శనం పాస్‌ల జారీ నిలిపివేత.
కేరళ : శబరిమల అయ్యప్ప ఆలయంలో వేడుకగా మకరవిళక్కు ఉత్సవాలు. రేపు పందలం నుంచి "తిరువాభరణం" ఊరేగింపు ప్రారంభం, ఈనెల 14న దీపారాధన ముందు అయ్యప్పకు తిరువాభరణం అలంకరణ, ఈనెల 20న పడిపూజతో ముగియనున్న మకర విళక్కు సీజన్‌, 20న రాత్రి ఆలయ ద్వారాలను మూసివేయనున్న అర్చకులు.
శ్రీశైలం (నంద్యాల జిల్లా) : శ్రీభ్రమరాంబ మల్లికార్జునస్వామి ఆలయంలో ప్రారంభమైన సంక్రాంతి బ్రహ్మోత్సవాలు. శాస్త్రోక్తంగా యాగశాల ప్రవేశం. నేటి సాయంత్రం ధ్వజారోహణం, ఈనెల 14న స్వామి, అమ్మవార్ల కల్యాణోత్సవం. ఈనెల 17వ తేదీ వరకు రుద్ర, చండీ, మృత్యుంజయ హోమాలు, సుబ్రహ్మణ్యేశ్వరస్వామి, శ్రీస్వామి అమ్మవార్ల కల్యాణం, ఏకాంత, ప్రదోషకాల, ప్రాతఃకాల, ఉదయస్తామాన సేవలు నిలిపివేత.
తిరుమల : తిరుమలలో వైభవంగా వైకుంఠ ఏకాదశి మహోత్సవాలు. పుష్కరిణిలో వేదోక్తంగా చక్రస్నానం. ఈనెల 19వ తేదీ వరకు శ్రీవారి ఆలయంలో వైకుంఠ ద్వారదర్శనం.ఈనెల 19వ తేదీ వరకు ప్రత్యేక దర్శనలు, సిఫార్సు లేఖల స్వీకరణ, మెట్టుమార్గంలో టోకెన్ల జారీ నిలిపివేత.
తిరుమల : శ్రీవారి ఆలయంలో ఘనంగా అధ్యయనోత్సవాలు. ఈనెల 23వ తేదీ వరకు శ్రీవారి ఆలయంలో దివ్యప్రబంధ పాశురాల పఠనం చేయనున్న శ్రీవైష్ణవులు.
తిరుపతి : ఈనెల 13 నుంచి 15వ తేదీ వరకు గోవిందరాజస్వామి ఆలయంలో సంక్రాంతి ఉత్సవాలు. 13న భోగితేరుపై శ్రీకృష్ణస్వామి, శ్రీఆండాళ్ అమ్మవారి ఊరేగింపు, 14న సంక్రాంతి తిరుమంజనం, 15న సాయంత్రం గోదాదేవి పరిణయోత్సవం.
శ్రీకాళహస్తి (తిరుపతి జిల్లా) : శ్రీకాళహస్తీశ్వరాలయంలో ధనుర్మాసోత్సవాల సందర్భంగా ఈనెల 13వ తేదీ వరకు స్వామి, అమ్మవార్లకు ఏకాంతంగా ప్రథమ, ద్వితీయ అభిషేకాలు, ప్రతీరోజూ ఉదయం గొబ్బిదేవత ఊరేగింపు. ఈనెల 13న ఆరుద్ర సందర్భంగా ముక్కంటీశునికి వేడినీళ్లతో అభిషేకం, అరికట్ల ఉత్సవం.
చిత్తూరు : శ్రీకోదండరామస్వామి ఆలయంలో ధనుర్మాస పూజలు. ఘనంగా గుడారవళ్లి ఉత్సవం, ద్వాదశి గ్రామోత్సవం. రేపు నమ్మళ్వార్ శాత్తుమొర, ఈనెల 13న ఉదయం నీరట్టు ఉత్సవం, సాయంత్రం శ్రీఆండాళ్‌ తిరుకల్యాణం, 14న ఉదయం స్వామివారి విశ్వరూప దర్శనం, సాయంత్రం శ్రీసీతారాముల కల్యాణోత్సవం.
ఆళ్లగడ్డ (నంద్యాల జిల్లా) : అహోబిలం లక్ష్మీనరసింహస్వామి ఆలయంలో ధనుర్మాస పూజలు. ఈనెల 13న గోదాదేవి కల్యాణం.
కర్నూలు : ఈనెల 13వ తేదీ నుంచి 30 రోజుల పాటు ఎమ్మిగనూరులోని శ్రీనీలకంఠేశ్వరస్వామి ఆలయంలో జాతర మహోత్సవాలు. ఈనెల 13న పుష్పరథారోహణ మహోత్సవం, అర్థరాత్రి 12 గంటలకు పార్వతీ పరమేశ్వర స్వామి కల్యాణ మహోత్సవం, 15న ఉదయం వెండి ఆభరణాలతో స్వామివారి అలంకరణ, రుద్రాభిషేకం, కుంకుమార్చనలు, సాయంత్రం 4 గంటలకు మహారథోత్సవం.
కదిరి (శ్రీసత్యసాయి జిల్లా) : ఈనెల 15వ తేదీన ఖాద్రీ శ్రీలక్ష్మీనరసింహస్వామి ఆలయంలో పార్వేట తిరునాల ఉత్సవం. ప్రతీ ఏటా సంక్రాంతి మరుసటి రోజున పార్వేట ఉత్సవం నిర్వహించడం ఆనవాయితీ.
ద్వారకాతిరుమల (ఏలూరు జిల్లా) : చిన్నవెంకన్న ఆలయంలో ధనుర్మాస సహిత అధ్యయనోత్సవాలు. ఈనెల 13న గోదాదేవి కల్యాణం, 15న కనుమ ఉత్సవం. అధ్యయనోత్సవాల్లో భాగంగా ఈనెల 20వ తేదీ వరకు శ్రీవారికి ప్రత్యేక పూజలు.
ఆత్రేయపురం (కోనసీమ జిల్లా) : వాడపల్లి శ్రీవేంకటేశ్వరస్వామి ఆలయంలో ధనుర్మాస ఉత్సవాలు. భక్తిశ్రద్ధలతో కూడారై ఉత్సవం. ఈనెల 13న గోదారంగనాథుల కల్యాణం.
అంతర్వేది (కోనసీమ జిల్లా) : అంతర్వేది శ్రీలక్ష్మీనరసింహస్వామి ఆలయంలో ధనుర్మాసోత్సవాలు. ఈనెల 13వ తేదీ వరకు ప్రతీరోజు తెల్లవారుజామున 4.30 గంటలకు స్వామివారికి పంచామృతాభిషేకం, ఉదయం గ్రామోత్సవం.
మామిడికుదురు (కోనసీమ జిల్లా) : అప్పనపల్లి బాలబాలాజీస్వామి ఆలయంలో ధనుర్మాస ఉత్సవాలు. ఈనెల 13న గోదాదేవి కల్యాణం.
కోరుకొండ (తూ.గో.జిల్లా) : శ్రీలక్ష్మీనరసింహస్వామి ఆలయంలో ధనుర్మాస పూజలు. వైభవంగా కూడారై ఉత్సవం. రేపు రంగనాథస్వామి ఆలయంలో పంచామృతాభిషేకం, ఈనెల 13న గోదారంగనాథుల కల్యాణం, 14న పశ్చిమ గోనగూడెం, 15న జంబూపట్నంలో స్వామివారి గ్రామోత్సవం.
భీమవరం (ప.గో.జిల్లా) : ఈనెల 13 నుంచి ఫిబ్రవరి 14వ తేదీ వరకు మావుళ్లమ్మ అమ్మవారి ఆలయంలో 61వ వార్షిక మహోత్సవాలు. 13న ఉదయం కలశస్థాపనతో ఉత్సవాలకు శ్రీకారం, మధ్యాహ్నం అమ్మవారి గ్రామోత్సవం.
విజయవాడ (ఎన్టీఆర్‌ జిల్లా) : ఇంద్రకీలాద్రిపై త్రయాహ్నిక పూర్వక నటరాజస్వామి కల్యాణోత్సవాలు. భక్తిశ్రద్ధలతో ఉత్సవమూర్తులకు వధూవరులుగా అలంకరణ. నేటి సాయంత్రం అంకురార్పణ, ధ్వజారోహణం, రేపు ఉదయం 8 గంటలకు మూల మంత్ర హవనాలు, రాత్రి 7 గంటలకు స్వామివార్ల దివ్యలీలా కల్యాణం, 10 గంటలకు అరుద్రోత్సవం (అన్నాభిషేకం), 13న మల్లేశ్వరస్వామి ఉత్తర ద్వార దర్శనం, పూర్ణాహుతి.
విజయవాడ (ఎన్టీఆర్‌ జిల్లా) : ముత్యాలంపాడులోని శ్రీకోదండరామస్వామి ఆలయంలో ధనుర్మాస ఉత్సవాలు. ఘనంగా కుడారై ఉత్సవం. ఈనెల 13న గోదాదేవి రంగనాయకుల కల్యాణోత్సవం.
పెనమలూరు (కృష్ణా జిల్లా) : పెదపులిపాకలోని గంగాపార్వతీ సమేత శ్రీచెన్నమల్లేశ్వరస్వామి ఆలయంలో ఈనెల 13వ తేదీ వరకు పంచముఖ మహారుద్రయాగ చండీ మహాకుంభాభిషేక మహోత్సవాలు.
గుంటూరు : మారుతీనగర్‌ శ్రీకంచి కామకోటి పీఠ శ్రీమారుతీ దేవాలయ ప్రాంగణంలో రేపటి వరకు శ్రీమద్వాల్మీకి రామాయణ అష్టోత్తర శత పారాయణ పూర్వక శ్రీరామ మహాసామ్రాజ్య పట్టాభిషేక మహోత్సవాలు.
గుంటూరు : చౌత్రాసెంటర్‌లోని సీతారామ దేవస్థానంలో ధనుర్మాసోత్సవాలు. భక్తిప్రవత్తులతో పెరుమాళ్లకు 108 గంగాళములతో కుడారై పాయసం నివేదన. ఈనెల 13న గోదా రంగనాథుల కల్యాణ మహోత్సవం.
చెరుకుపల్లి (బాపట్ల జిల్లా) : ఖాదర్‌ఖాన్‌ కూడలిలోని శ్రీసువర్చలా సమేత ప్రసన్న ఆంజనేయస్వామి ఆలయంలో స్వామివారి కల్యాణ మహోత్సవాలు. శాస్త్రోక్తంగా స్వామివారికి పుష్పార్చన. రేపు పంచామృత నవరసాభిషేకం, నాగవల్లీ దళార్చన, ఈనెల 13న ఉదయం ఎదుర్కోలు ఉత్సవం, గోదాదేవి సమేత రంగనాథస్వామి, శ్రీసువర్చలా సమేత ప్రసన్నాంజనేయస్వామి కల్యాణ మహోత్సవాలు.
నక్కపల్లి (అనకాపల్లి జిల్లా) : ఉపమాక వెంకన్న ఆలయంలో ధనుర్మాస సహిత అధ్యయనోత్సవాలు. ఈనెల 19వ తేదీ వరకు ప్రతీరోజు రాత్రి స్వామి, అమ్మవార్లకు తిరువీధి సేవలు, ఈనెల 13న రాత్రి గోదాదేవి కల్యాణం, 16న స్వామివారి గిరిప్రదక్షిణోత్సవం, 20న నమ్మాళ్వార్‌ మోక్షోత్సవం.
విశాఖపట్నం : ఎన్‌జీజీవోస్‌ కాలనీ కప్పరాడ వైభవ వేంకటేశ్వరస్వామి ఆలయంలో ధనుర్మాస ఉత్సవాలు. ఈనెల 13న గోదారంగనాథుల కల్యాణం.
విశాఖపట్నం : జీవీఎంసీ 51వ వార్డు అప్పయ్యనగర్‌లోని భూసమేత విజయ వేంకటేశ్వరస్వామి ఆలయంలో ధనుర్మాస పూజలు. ఘనంగా కూడారై ఉత్సవం. ఈనెల 13న గోదారంగనాథుల కల్యాణం.
సింహాచలం (విశాఖపట్నం జిల్లా) : శ్రీవరాహలక్ష్మీనరసింహస్వామి ఆలయంలో ధనుర్మాస ప్రయుక్తంగా రాపత్తు ఉత్సవాలు. ఈనెల 20వ తేదీ వరకు ప్రతీరోజు సాయంత్రం 5 గంటలకు గ్రామ తిరువీధి ఉత్సవాలు, రాత్రి 7 గంటల నుంచి అప్పన్న దర్శనం నిలిపివేత. ఈనెల 13న సాయంత్రం 5 గంటలకు గోదాదేవి కల్యాణం. ఈనెల 17వ తేదీ వరకు ఆర్జిత సేవలను రద్దు చేసిన అధికారులు.
నాయుడుతోట (విశాఖపట్నం జిల్లా) : దరి రవినగర్ శేషాద్రిశిఖరంపై గల కల్యాణ వేంకటేశ్వరస్వామి ఆలయంలో ధనుర్మాసోత్సవాలు. వేదోక్తంగా కూడారై ఉత్సవం, అష్టోత్తర శత కలశాలతో క్షీరాన్న నివేదన. ఈనెల 13న ఆలయ ప్రాంగణంలో గోదా రంగనాథుల కల్యాణం.
పెందుర్తి (విశాఖపట్నం జిల్లా) : వేంకటాద్రి క్షేత్రంలో ధనుర్మాస పూజలు. వైభవంగా కూడారై ఉత్సవం. రేపు తిరువీధిసేవ, ఈనెల 13న గోదారంగనాథుల కల్యాణం.
హైదరాబాద్‌ : శ్రీనగర్‌కాలనీ శ్రీవేంకటేశ్వరస్వామి ఆలయంలో ధనుర్మాస ఉత్సవాలు. ఈనెల 13వ తేదీన గోదాదేవీ కల్యాణం.
హైదరాబాద్‌ : చార్మినార్‌కు తూర్పువైపున చౌక్‌ మైదాన్ ఖాన్‌ వద్దగల బాలాజీ ఆలయంలో ముక్కోటి ఏకాదశి వేడుకలు. రేపు నమ్మళ్వార్ పరమపద మహోత్సవం, ఈనెల 13న సాయంత్రం 6 గంటలకు శ్రీగోదాదేవికల్యాణం, 15న సాయంత్రం 6 గంటలకు అమ్మవారి కరినోము.
హైదరాబాద్‌ : కరణ్‌బాగ్‌ కాలనీలోని మల్లికార్జునస్వామి దేవాలయంలో ఈనెల 13వ తేదీ వరకు జాతర మహోత్సవాలు. ఈనెల 12న మల్లికార్జునస్వామి కల్యాణోత్సవం.
సికింద్రాబాద్‌ : ఈనెల 13 నుంచి పరేడ్‌ గ్రౌండ్స్‌లో అంతర్జాతీయ కైట్ ఫెస్టివల్. మూడు రోజుల పాటు ప్రతీరోజూ ఉదయం 10 నుంచి రాత్రి 8 గంటల వరకు పతంగుల ప్రదర్శన. హాజరుకానున్న 50 మంది ఇంటర్నేషనల్‌ కైట్‌ ఫ్లయర్స్‌.
కుత్భుల్లాపూర్‌ (మేడ్చల్‌ జిల్లా) : ఈనెల 17 నుంచి 25వ తేదీ వరకు గాజులరామారంలో చిత్తారమ్మదేవి ఆలయంలో చిత్తారమ్మ జాతర స్వర్ణోత్సవ వేడుకలు. ప్రతీ ఏడాది సంక్రాంతి తర్వాత వచ్చే తొలి ఆదివారం జాతర ప్రారంభించడం ఆనవాయితీ.
యాదగిరిగుట్ట : శ్రీలక్ష్మీనరసింహస్వామి ఆలయంలో ధనుర్మాసోత్సవాలు. ఈనెల 13న రాత్రి 7 గంటలకు గోదాకల్యాణం, 14న ఉదయం 11.30 గంటలకు ఒడిబియ్యం సమర్పణ.
యాదగిరిగుట్ట : శ్రీలక్ష్మీనరసింహస్వామి ఆలయంలో అధ్యయనోత్సవాలు. ఈనెల 14న రాత్రి పరమపదోత్సవం. ఈనెల 15వ తేదీ వరకు ఆలయంలో స్వామివారి నిత్య, శాశ్వత కల్యాణాలు, హోమం, జోడు అలంకార సేవలు నిలిపివేత.
చౌటుప్పల్‌ (యాదాద్రి భువనగిరి జిల్లా) : దేవలమ్మనాగారం గ్రామ శివారులోని శ్రీఆదిమహావిష్ణువు ఆలయంలో నేటితో ముగియనున్న 9వ వార్షిక బ్రహ్మోత్సవాలు.
నార్కట్‌పల్లి (నల్గొండ జిల్లా) : శ్రీకమలాద్రి లక్ష్మీనరసింహస్వామి ఆలయంలో వైభవోపేతంగా బ్రహ్మోత్సవాలు. వేదోక్తంగా అంకురార్పణ. రేపు ధ్వజారోహణం, ఈనెల 13న మధ్యాహ్నం 12 గంటలకు స్వామివారి కల్యాణం, 16న ఉదయం రథోత్సవం, రాత్రి 10.30 గంటలకు దోపోత్సవం, 17న రాత్రి శ్రీపుష్పయాగం, ఏకాంత సేవ, 18న డోలోత్సవం, స్వామివారి గ్రామోత్సవం.
ఐనవోలు (హన్మకొండ జిల్లా) : ఈనెల 13వ తేదీ నుంచి మల్లికార్జునస్వామి ఆలయంలో బ్రహ్మోత్సవాలు.
భీమదేవరపల్లి (హన్మకొండ జిల్లా) : కొత్తకొండ వీరభద్రస్వామి ఆలయంలో ఈనెల 18వ తేదీ వరకు జాతరోత్సవాలు. వేదోక్తంగా స్వామివారికి త్రిశూలార్చన.
భద్రాచలం : శ్రీసీతారామచంద్రస్వామి ఆలయంలో అధ్యయనోత్సవ సహిత వైకుంఠ ఏకాదశి ఉత్సవాలు. కూడారై ఉత్సవాన్ని పురస్కరించుకొని ఆండాళ్‌ అమ్మవారికి తిరువీధి సేవ. ఈనెల 13న శ్రీ గోదా కల్యాణోత్సవం, 14న రథోత్సవం, ప్రణయ కలహోత్సవం, 17న కల్కి అవతారం దర్శనం, ఈనెల 21 నుంచి 23వ తేదీ వరకు వసంతోత్సవాలు, 26న విశ్వరూపసేవ.
ఖమ్మం : కరిగిరి శ్రీరంగనాథస్వామి ఆలయంలో ధనుర్మాసోత్సవాలు. ఈనెల 13న గోదాదేవి, రంగనాథస్వామి కల్యాణ మహోత్సవం.
ఖమ్మం : కమాన్‌బజార్ శ్రీవేంకటేశ్వరస్వామి ఆలయం, రోటరీనగర్‌ పర్ణశాల శ్రీసీతారామచంద్రస్వామి ఆలయాల్లో ధనుర్మాసోత్సవాలు. ఈనెల 13న గోదాదేవి కల్యాణం.
ఇటిక్యాల (జోగులాంబ గద్వాల జిల్లా) : పెద్దదిన్నె వేంకటేశ్వరస్వామి ఆలయంలో వార్షిక బ్రహ్మోత్సవాలు. నేటి రాత్రి రథోత్సవం, రేపు సాయంత్రం పారువేట ఉత్సవం, ఈనెల 13న నాగవళి తీర్థావళి, ధ్వజారోహణం.
మహబూబ్‌నగర్‌ : ఈనెల 13 నుంచి 15వ తేదీ వరకు తిరుమలనాథస్వామి ఆలయంలో బ్రహ్మోత్సవాలు.
కొల్లాపూర్‌ (నాగర్‌కర్నూలు జిల్లా) : ఈనెల 14 నుంచి 21వ తేదీ వరకు సింగోటంలోని శ్రీలక్ష్మీనరసింహస్వామి ఆలయంలో బ్రహ్మోత్సవాలు.
ఇంద్రవెల్లి (ఆదిలాబాద్‌ జిల్లా) : గంగాజలం కోసం మహా పాదయాత్ర ప్రారంభం. కేస్లాపూర్‌లోని మురాడి ఆలయంలో గంగాజలం తీసుకొచ్చే కలశానికి ప్రత్యేక పూజలు నిర్వహించి పాదయాత్రగా బయల్దేరిన మెస్రంవంశీయులు. 215 కిలోమీటర్ల మేర కాలినడకన పాదయాత్ర చేసి గంగాజలాన్ని తీసుకురానున్న మెస్రంవంశీయులు. ఈనెల 28న అర్థరాత్రి మహాపూజతో ప్రారంభంకానున్న నాగోబా జాతర, 31న దర్బార్.
బెంగళూరు (కర్ణాటక) : బనశంకరి అమ్మవారి ఆలయంలో 109వ జాతర మహోత్సవాలు. ఈనెల 17వ తేదీ వరకు ప్రతీరోజు ఉదయం, సాయంత్రం ప్రత్యేక హోమాలు, పూజలు, అలంకరణలు.
గోపాలపూర్‌ (ఒడిశా) : పూరీ జగన్నాథస్వామి ఆలయంలో ధనుర్మాస పూజలు. ఈనెల 13వ తేదీ వరకు ప్రతీరోజు తెల్లవారుజామున 2 గంటలకు మంగళహారతి, గోపాలవల్లభసేవ, ఉదయం 6.30 గంటలకు పొహెలిభోగొ (పొంగళి) సమర్పణ.
శ్రీరంగం (తమిళనాడు) : శ్రీరంగనాథుడి ఆలయంలో వైభవంగా రాపత్తు ఉత్సవాలు. వైకుంఠ ఏకాదశి తర్వాత 10 రోజులపాటు రాపత్తు ఉత్సవాలు. రాపత్తు ఉత్సవాల్లో భాగంగా ఈనెల 21వ తేదీ వరకు ఉత్తరద్వార దర్శనం. రోజుకో ప్రత్యేక అలంకరణలో రంగనాథుడి అనుగ్రహం.
తిరువణ్ణామలై (తమిళనాడు) : అరుణాచలేశ్వరస్వామి ఆలయంలో ఉత్తరాయణ పుణ్యకాల బ్రహ్మోత్సవాలు. ఈనెల 14వ తేదీ వరకు ప్రతీరోజు ఉదయం, సాయంత్రం స్వామి, అమ్మవార్లు ఆలయ మాడవీధుల్లో స్వామి, అమ్మవార్ల ఊరేగింపు.
కడలూరు (తమిళనాడు) : చిదంబరం నటరాజస్వామి ఆలయంలో ఆరుద్ర దర్శన మహోత్సవాలు. నేటి రాత్రి అశ్వవాహనంపై నటరాజస్వామి విహారం. రేపు రథోత్సవం, ఈనెల 15న తెప్పోత్సవం. 30 ఏళ్ల తర్వాత జ్ఞానప్రకాశ చెరువులో నటరాజస్వామి తెప్పోత్సవం.
విరుదునగర్‌ (తమిళనాడు) : చదురగిరి సుందరలింగేశ్వర ఆలయానికి భక్తులకు అనుమతి. ప్రదోషవ్రతం, పౌర్ణమి సందర్భంగా ఈనెల 14వ తేదీ వరకు ప్రతీరోజు ఉదయం 6 నుంచి మధ్యాహ్నం 12 గంటల వరకు సుందర లింగేశ్వర దర్శనానికి భక్తులకు అనుమతి.
తమిళనాడు : తిరువళ్లికేనిలోని పార్థసారధి ఆలయంలో వైకుంఠ ఏకాదశి ఉత్సవాలు. ఉత్తరద్వారం గుండా రుక్మిణీ సత్యభామ సమేతంగా పార్థసారధి అనుగ్రహం. నేడు ఆలయంలో ప్రత్యేక దర్శనాలు రద్దు.

kapileswara rudra yagam

శ్రీ కపిలేశ్వరస్వామివారి ఆలయంలో పత్ర పుష్పయాగం

By: venkat

On: May 3, 2024

kapileswara rudra yagam

శ్రీ కపిలేశ్వరస్వామివారి ఆలయంలో పత్ర పుష్పయాగం

జనవరి 18న ప్రయాగ్ రాజ్ లో శ్రీవారి కళ్యాణోత్సవం

మహా కుంభమేళాలోని శ్రీవారి నమూన ఆలయంలో శాస్త్రోక్తంగా నిత్య కైంకర్యాలు

అత్యంత వైభవంగా బండ మల్లన్న జాతర

13 ఏళ్ల చిన్నారికి దక్కిన శబరిమల అయ్యప్పను పూజించే అదృష్టం..

ఇవాళ టీటీడీ పరిపాలనా భవనంలో గోదా కల్యాణం