UPDATES

విజయనగరం : నయన మనోహరం... సిరిమానోత్సవం. భక్తుల జయజయ ధ్వానాల నడుమ అట్టహాసంగా పైడితల్లి అమ్మవారి సరిమానోత్సవం. సిరిమాను అధిరోహించిన ప్రధానార్చకుడు. మూడులాంతర్లవీధి నుంచి విజయనగరం కోటవరకు సాగిన సిరిమానోత్సవం. పైడితల్లి అమ్మవారికి ఆంధ్రప్రదేశ్‌ రాష్ట్ర ప్రభుత్వం తరఫున పట్టు వస్త్రాలు సమర్పించిన మంత్రి కొండపల్లి శ్రీనివాస్‌.
విజయనగరం : జాతరోత్సవాల్లో భాగంగా ఈనెల 22న పైడితల్లి అమ్మవారి తెప్పోత్సవం, 27న కలశజ్యోతి ఊరేగింపు, 29న ఉయ్యాల కంబాల ఉత్సవం, 30న దీక్షా విరమణ, చండీయాగం, పూర్ణాహుతి.
తిరుమల : తిరుమలలో పెరిగిన భక్తుల రద్దీ. దేవదేవుడి దర్శనార్థం వైకుంఠం క్యూకాంప్లెక్స్‌లోని 31 కంపార్టుమెంట్లు నిండి వెలుపల క్యూలైన్‌లో వేచి ఉన్న భక్తులు. శ్రీవారి సర్వదర్శనానికి 18 గంటల సమయం.
తిరుమల : రేపు తిరుమలలో వీఐపీ బ్రేక్‌ దర్శనాలు రద్దు. భారీ వర్షాల నేపథ్యంలో భక్తుల భద్రత దృష్ట్యా రేపు వీఐపీ బ్రేక్‌ దర్శనాలు, నేడు సిఫారసు లేఖల స్వీకరణ రద్దు.
తిరుమల : ఈనెల 17వ తేదీన శ్రీవారి ఆలయంలో పౌర్ణమి గరుడసేవ. రాత్రి 7 గంటలకు గరుడవాహనంపై విహరిస్తూ భక్తులకు దర్శనమివ్వనున్న మలయప్పస్వామి.
శ్రీశైలం (నంద్యాల జిల్లా) : వచ్చేనెల 2 నుంచి డిసెంబరు 1వ తేదీ వరకు శ్రీభ్రమరాంబ మల్లికార్జునస్వామి ఆలయంలో కార్తికమాసోత్సవాలు. ప్రతీరోజు తెల్లవారుజామున 3 గంటలకు ఆలయ శుద్ధి, ప్రాతఃకాల పూజలు, 4 గంటల నుంచి స్వామి, అమ్మవార్ల దర్శనానికి భక్తులకు అనుమతి. కార్తికమాసమంతా స్వామివారి గర్భాలయ అభిషేకాలు నిలిపివేత. శని, ఆది, సోమవారాలు, పౌర్ణమి మినహా సాధారణ రోజుల్లో పరిమితంగా సామూహిక అభిషేకాలు, రెండు విడతలుగా రుద్రహోమం, మృత్యుంజయ హోమాలు, ఒక విడతగా చండీ హోమం.
ఆళ్లగడ్డ (నంద్యాల జిల్లా) : ఎగువ అహోబిలంలో వైభవంగా పవిత్రోత్సవాలు. భక్తిప్రవత్తులతో జ్వాలా నరసింహస్వామి, శ్రీదేవి, భూదేవి అమ్మవార్లకు గ్రామోత్సవం. రేపటి నుంచి ఈనెల 21వ తేదీ వరకు దిగువ అహోబిలంలో పవిత్రోత్సవాలు. రేపు యాగశాల ప్రవేశంతో ఉత్సవాలు ప్రారంభం. ఉత్సవాల సందర్భంగా ప్రతీరోజు ప్రహ్లాదవరద స్వామి, శ్రీదేవి, భూదేవి ఉత్సవమూర్తులకు అభిషేకాలు, ప్రత్యేక పూజలు, హోమాలు.
హోళగుంద (కర్నూలు జిల్లా) : దేవరగట్టులోని శ్రీమాలమల్లేశ్వరస్వామి ఆలయంలో బన్నీ ఉత్సవాలు. అంగరంగ వైభవంగా మాలమల్లేశ్వరస్వామి రథోత్సవం. ఘనంగా వసంతోత్సవం. నేటి సాయంత్రం కంకణ విసర్జన, రేపు నెరణికి మాళమల్లేశ్వరస్వామి విగ్రహాలు.
వాల్మీకిపురం (అన్నమయ్య జిల్లా) : పట్టాభిరామాలయంలో స్వామివారి వార్షిక పవిత్రోత్సవాలు. వేదోక్తంగా పవిత్రాల ప్రతిష్ట, సీతాలక్ష్మణ సమేత పట్టాభిరాములవారికి స్నపన తిరుమంజనం. రేపు పవిత్రాల సమర్పణ, ఈనెల 17న మహాపూర్ణాహుతి, కుంభ ప్రోక్షణ, పవిత్రాల వితరణ, చక్రస్నానం, తిరువీధి ఉత్సవం.
రామాపురం (అన్నమయ్య జిల్లా) : రేపు నీలకంట్రావుపేటలోని రామాంజనేయస్వామి ఆలయంలో హనుమంతుడి పంచలోహ విగ్రహం, ధ్వజశిఖర పునఃప్రతిష్ట.
తాళ్లపూడి (తూ.గో.జిల్లా) : ఈనెల 21 నుంచి 23వ తేదీ వరకు తాళ్లపూడిలోని నవదుర్గాదేవి ఆలయంలో మహాకుంభాభిషేకం, శతచండీయాగ మహోత్సవాలు. 21న చండీపారాయణం, 22న 108 దంపతులచే శతచండీహోమం, 23న ఉదయం దుర్గామల్లేశ్వరస్వామి శాంతి కల్యాణం, సాయంత్రం అమ్మవారి రథోత్సవం.
ద్వారకాతిరుమల (ఏలూరు జిల్లా) : చిన్నవెంకన్న ఆలయంలో ఈనెల 20వ తేదీ వరకు శ్రీవేంకటేశ్వరస్వామి ఆశ్వయుజ మాస తిరుకల్యాణ మహోత్సవాలు. సూర్యప్రభవాహనంపై విహరిస్తూ దర్శనమిచ్చిన శ్రీవారు. నేటి రాత్రి చంద్రప్రభవాహనోత్సవం. ఈనెల 17న రాత్రి 8 గంటలకు తిరుకల్యాణోత్సవం, 18న రాత్రి స్వామివారి రథోత్సవం.
ఆత్రేయపురం (కోనసీమ జిల్లా) : ఈనెల 21 నుంచి 29వ తేదీ వరకు వాడపల్లి శ్రీవేంకటేశ్వరస్వామి ఆలయంలో బ్రహ్మోత్సవాలు.
గోరంట్ల (గుంటూరు జిల్లా) : బొంతపాడు సమీపంలోని జాతీయ రహదారి ప్రక్కన శ్రీషిర్డీసాయి బాబా ఆలయంలో విగ్రహ ప్రతిష్టా మహోత్సవాలు. శాస్త్రోక్తంగా గోపూజ, గణపతి పూజ, జలాధివాసం. రేపు దత్త హోమం, నైవేద్య నీరాజనం, ఈనెల 17న ఉదయం 7.43 గంటలకు సాయిబాబా విగ్రహ ప్రతిష్ట.
యద్దనపూడి (బాపట్ల జిల్లా) : యద్దనపూడిలో కొత్తగా నిర్మించిన పోలేరమ్మ అమ్మవారి ఆలయంలో ప్రతిష్టా మహోత్సవాలు. రేపు అమ్మవారి విగ్రహ ప్రతిష్ట.
బచ్చెయ్యపేట (అనకాపల్లి జిల్లా) : చిన్నప్పన్నపాలెంలో నూతనంగా నిర్మించిన పైడిమాంబ ఆలయంలో విగ్రహ ప్రతిష్టా మహోత్సవాలు. రేపు విగ్రహ ప్రాణప్రతిష్ట.
పెదవాల్తేరు (విశాఖపట్నం జిల్లా) : కిర్లంపూడి లే అవుట్‌లోని శ్రీలలితమ్మ ఆలయంలో భక్తిప్రవత్తులతో సుబ్రహ్మణ్యేశ్వరయాగం.
భీమునిపట్నం (విశాఖపట్నం జిల్లా) : ఐశ్వర్య వేంకటేశ్వరస్వామి ఆలయంలో ఈనెల 17వ తేదీ వరకు తృతీయ తిరు పవిత్రోత్సవాలు.
అక్కయ్యపాలెం (విశాఖపట్నం జిల్లా) : ఈనెల 17వ తేదీన దొండపర్తిలోని ఎరుకుమాంబ అమ్మవారి ఆలయ వార్షికోత్సవం.
హైదరాబాద్‌ : త్యాగరాయగానసభలో ఘనంగా పద్య నాటకోత్సవాలు. నేటి సాయంత్రం 5 గంటలకు చింతామణి భవానీశంకరుల ప్రణయ సన్నివేశం నాటక ప్రదర్శన. రేపు యుద్ధం తథ్యం పద్య నాటక ప్రదర్శన.
చేగుంట (మెదక్‌ జిల్లా) : నేటి నుంచి ఈనెల 17వ తేదీ వరకు చందాయిపేటలోని శ్రీ వీరహనుమాన్‌ ఆలయ వార్షికోత్సవాలు.
హుజూర్‌నగర్ (సూర్యాపేట జిల్లా) : ఈనెల 27వ తేదీ ఆదివారం సాయంత్రం 6.10 గంటల నుంచి రాత్రి 7 గంటల వరకు హుజూర్‌నగర్‌లోని ఎన్‌.ఎస్‌.సి. క్యాంప్‌ హైస్కూల్‌ ఆవరణలో నాగసాధువుల ఆధ్వర్యంలో లోకకల్యాణార్థం 8 అడుగుల మట్టి (మృత్తిక) శివలింగానికి మహారుద్రాభిషేకం, మహాభస్మాభిషేకం, లక్షరుద్రాక్షల అభిషేకం. అనంతరం మంత్రపుష్పం, నీరాజనాలు, జలాభిషేక పూజ.
సిరిసిల్ల (రాజన్న సిరిసిల్ల జిల్లా) : శ్రీలక్ష్మీవేంకటేశ్వరస్వామి ఆలయంలో ఈనెల 19వ తేదీ వరకు బ్రహ్మోత్సవాలు.
ఖానాపూర్‌ (నిర్మల్‌ జిల్లా) : సుర్జాపూర్‌లోని శ్రీ లక్ష్మీ వేంకటేశ్వరస్వామి ఆలయంలో వార్షిక బ్రహ్మోత్సవాలు. వేదోక్తంగా శ్రీవారి కల్యాణ మహోత్సవం. ఈనెల 17న జాతర, రథోత్సవం.
కాంచీపురం (తమిళనాడు) : ఈనెల 18 నుంచి 21వ తేదీ వరకు తూర్పు రాజావీధిలోని నగరీశ్వర ఆలయంలో కుంభాభిషేక మహోత్సవాలు. 21న మహాకుంభాభిషేకం.
కాంచీపురం (తమిళనాడు) : ఈనెల 21వ తేదీన ఊత్తుకాడు గ్రామంలోని మారియమ్మన్‌ ఆలయ కుంభాభిషేకం.
చెన్నై (తమిళనాడు) : జార్జిటౌన్‌లోని శ్రీకన్యకాపరమేశ్వరి ఆలయంలో ఈనెల 22వ తేదీ వరకు వడాయతి ఉత్సవాలు. ఉత్సవాల్లో భాగంగా బంగారు, వెండి ఆభరణాలతో అమ్మవారికి అలంకరణ.
చెన్నై (తమిళనాడు) : జీఎన్‌ శెట్టి రోడ్డులోని తి.తి.దే. శ్రీపద్మావతి అమ్మవారి ఆలయంలో వార్షిక పవిత్రోత్సవాలు.
తూత్తుకుడి (తమిళనాడు) : వచ్చేనెల 2 నుంచి 9వ తేదీ వరకు తిరుచెందూర్‌ సుబ్రహ్మణ్యస్వామి ఆలయంలో స్కంద షష్ఠి ఉత్సవాలు.
గుణశీలం (తమిళనాడు) : కావేరి నదీతీరాన కొలువైన శ్రీ ప్రసన్నవేంకటాచలపతి ఆలయంలో బ్రహ్మోత్సవాలు. ఉత్సవాల్లో భాగంగా రోజుకో వాహనంపై భక్తులను అనుగ్రహిస్తున్న స్వామివారు.
గోపాలపూర్‌ (ఒడిశా) : పూరీ శ్రీక్షేత్రంలో జగన్నాథుని రాధాధామోదర వ్రతాలు. వచ్చేనెల 11వ తేదీ వరకు రాధాధామోదర రూపంలో పురుషోత్తముడి దర్శనం.
హాసన (కర్ణాటక) : ఈనెల 24న తెరుచుకోనున్న హసనాంబ ఆలయం. ఏడాదిలో 11 రోజులు మాత్రమే తెరుచుకోనున్న ఆలయ ద్వారాలు. తొమ్మిది రోజుల పాటు భక్తులకు అమ్మవారి దర్శనానికి అనుమతి.

arjitha sevas in tirumala

తిరుమల.. ఏప్రిల్‌ నెలలో నమోదైన వివరాలు..

By: venkat

On: May 3, 2024

arjitha sevas in tirumala

తిరుమల.. ఏప్రిల్‌ నెలలో నమోదైన వివరాలు..

బాలుడి రూపంలో ధ్యానముద్రలో సుబ్రహ్మణ్య స్వామి దర్శనం

ఇక్కడ విభూతి తీసుకుని కొంత దూరం వెళ్లగానే బంగారు నాణేలుగా మారిపోయేదట..

సుబ్రహ్మణ్యస్వామి విగ్రహాన్ని సముద్రంలో పడేసిన డచ్‌వారు.. ఆ తర్వాత ఏం జరిగిందంటే..

తిరుచెందూర్ సుబ్రహ్మణ్యస్వామి ఆలయ స్థల పురాణం ఏంటంటే..

ఇక్కడి సుబ్రహ్మణ్యస్వామివారి ఆలయ ప్రత్యేకత ఏంటంటే..