వివాహ వేడుకలో ప్రతి ఒక్క ఘట్టానికి ఏదో ఒక ప్రాధాన్యత ఉంటుంది. ఈ వివాహ వేడుకలో సప్తపది అనే ఆచారం కూడా ఒకటి. దీనిలో హోమగుండాన్ని ఏర్పాటు చేసి దీని చుట్టూ ఏడడుగులు వేస్తారు. ఈ ఏడు అడుగులు.. ఒక్కోటి ఒక్కో దానిని సూచిస్తాయి.
మొదటి అడుగు పోషణ (ఆహారం, జీవనోపాధి కోసం ప్రతిజ్ఞ): తొలి అడుగులో ఒక జంట ఒకరికొకరు కష్ట సుఖాల్లో సాయం చేసుకుంటామని, వారి ఇల్లు పోషణ, సమృద్ధితో నిండి ఉండేలా చూసుకుంటామని ప్రతిజ్ఞ చేస్తారు.
రెండవ అడుగు- బలం (శారీరక, మానసిక బలానికి ప్రతిజ్ఞ): రెండవ అడుగు శారీరక, మానసిక బలాన్ని పెంపొందించుకునేందుకు చేసే ప్రతిజ్ఞ.
మూడవ అడుగు – శ్రేయస్సు (సంపద, శ్రేయస్సు కోసం ప్రతిజ్ఞ): మూడవ అడుగు సంపద, శ్రేయస్సు కోసం ప్రతిజ్ఞ చేస్తారు.
నాల్గవ అడుగు – కుటుంబం (కుటుంబం, పరస్పర మద్దతు కోసం ప్రతిజ్ఞ): నాల్గవ అడుగులో జంట ఒకరి కుటుంబాలకు ఒకరు మద్దతు ఇచ్చి, శ్రద్ధ వహిస్తామని చేసే ప్రతిజ్ఞ.
ఐదవ అడుగు – సంతానం (పిల్లలు, వారి శ్రేయస్సు కోసం ప్రతిజ్ఞ): ఐదవ అడుగు పిల్లలతో పాటు వారి శ్రేయస్సును నిర్ధారించుకోవడానికి చేసే ప్రతిజ్ఞ.
ఆరవ అడుగు – ఆరోగ్యం (ఆరోగ్యం, శ్రేయస్సు కోసం ప్రతిజ్ఞ): ఆరవ అడుగు జంట ఒకరి ఆరోగ్యం, శ్రేయస్సును జాగ్రత్తగా చూసుకోవాలని చేసే ప్రతిజ్ఞ.
ఏడవ అడుగు – స్నేహం (జీవితకాల స్నేహం కోసం ప్రతిజ్ఞ): ఏడవ అడుగులో జీవితకాల స్నేహం కోసం చేసే ప్రతిజ్ఞ.