చిత్తూరు జిల్లా కీలపట్లలోని శ్రీ కోనేటిరాయస్వామి వార్షిక బ్రహ్మోత్సవాలకు అంకురార్పణ వైభవంగా జరిగింది. బుధ‌వారం సాయంత్రం 6 నుంచి రాత్రి 8.30 గంటల వరకు సేనాధిపతి ఉత్సవం, శాస్త్రోక్తంగా అంకురార్పణ నిర్వహించారు. బ్రహ్మోత్సవాలకు ఆలయంలో పెద్ద ఎత్తున ఏర్పాట్లు చేశారు. చలువపందిళ్లు ఏర్పాటుచేసి అందంగా రంగవల్లులు తీర్చిదిద్దారు. ఇవాళ ఉదయం 9 గంటల నుంచి 9:40 గంటల మధ్య మిథున లగ్నంలో ధ్వజారోహణంతో బ్రహ్మోత్సవాలు ప్రారంభం కానున్నాయి. ఈ కార్యక్రమంలో ఆలయ ప్రత్యేక శ్రేణి డిప్యూటీ ఈవో శ్రీమతి వరలక్ష్మి, ఏఈఓ శ్రీ గోపీనాథ్, సూప‌రింటెండెంట్ శ్రీ చంగల్రాయులు, టెంపుల్ ఇన్‌స్పెక్టర్ శ్రీ గజేంద్ర పాల్గొననున్నారు. ప్రతి రోజు ఉదయం 8 నుంచి 10 గంటల వరకు, రాత్రి 7 నుంచి 9 గంటల వరకు వాహనసేవలు జరుగుతాయి.
వాహనసేవల వివరాలు..
16-05-2024
ఉదయం – ధ్వజారోహణం(మిథున లగ్నం)
సాయంత్రం – శేష వాహనం
17-05-2024
ఉదయం – తిరుచ్చిఉత్సవం
సాయంత్రం – హంస వాహనం
18-05-2024
ఉదయం – సింహ వాహనం
సాయంత్రం – ముత్యపుపందిరి వాహనం
19-05-2024
ఉదయం – కల్పవృక్ష వాహనం
సాయంత్రం – సర్వభూపాల వాహనం
20-05-2024
ఉదయం – మోహినీ ఉత్సవం
సాయంత్రం – కల్యాణోత్సవం, గరుడ వాహనం
21-05-2024
ఉదయం – హనుమంత వాహనం
సాయంత్రం – వసంతోత్సవం, గజ వాహనం
22-05-2024
ఉదయం – సూర్యప్రభ వాహనం
సాయంత్రం – చంద్రప్రభ వాహనం
23-05-2024
ఉదయం – రథోత్సవం
సాయంత్రం – అశ్వవాహనం
24-05-2024
ఉదయం – చక్రస్నానం
సాయంత్రం – ధ్వజావరోహణం