తిరుమల అనుబంధ ఆలయాలన్నింటిలోనూ ఉట్లోత్సవం నిన్న సాయంత్రం పెద్ద ఎత్తున జరిగింది. ముఖ్యంగా తిరుచానూరు శ్రీపద్మావతి అమ్మవారి ఆలయానికి అనుబంధంగా ఉన్న శ్రీ కృష్ణ స్వామివారి ఆలయంలో గోకులాష్టమి వేడుకలు రెండు రోజుల పాటు అంగరంగ వైభవంగా జరిగాయి. తొలిరోజు అంటే ఈ నెల 27న ఉదయం శ్రీ కృష్ణస్వామివారి మూలవర్లకు అభిషేకం, మధ్యాహ్నం స్నపన తిరుమంజనం నిర్వహించారు. అనంతరం రాత్రి 7 గంటలకు స్వామివారు పెద్దశేష వాహ‌నంపై ఆల‌య నాలుగు మాడ వీధుల్లో విహ‌రించి భక్తులకు దర్శనమిచ్చారు.
ఇక నిన్న సాయంత్రం వేడుకగా ఉట్లోత్సవం జరిగింది. పెద్ద ఎత్తున భక్తుల కోలాహలం నడుమ ఉట్లోత్సవం నిర్వహించారు. ఇందులోభాగంగా మధ్యాహ్నం 3 నుంచి 4 గంటల వరకు శ్రీక ష్ణస్వామివారికి అభిషేకం నిర్వహించారు. సాయంత్రం 5 గంటలకు శ్రీకృష్ణ స్వామివారి వారికి ఊంజల్‌సేవ నిర్వహించారు. సాయంత్రం 6 గంటలకు శ్రీకృష్ణస్వామివారి ఊరేగింపు జరిగింది. రాత్రి 7.30 గంటల వ‌ర‌కూ ఉట్లోత్సవం, ఆస్థానం ఘనంగా నిర్వహించారు. అలాగే నారాయణవనం నిన్న ఉదయం స్వామివారిని సుప్రభాత సేవతో మేల్కొలిపి, తోమాల, పంచాంగ శ్రవణం నిర్వహిచారు. అనంతరం సాయంత్రం 5 గంటలకు ఉట్లోత్సవం వైభవంగా నిర్వహించనున్నారు.