వినాయకచవితి వస్తోందంటేనే ఊరూ, వాడలన్నింటిలో వినాయక మండపాలు వెలుస్తాయి. కొన్ని చోట్ల భారీ ఎత్తున సెట్టింగ్ వేసి గణపతిని ప్రతిష్టించి పూజలు నిర్వహిస్తారు. వినాయకుడి మండపానికి వందల కోట్లు ఖర్చు చేస్తున్నారు. ఈ క్రమంలోనే మండపాలకు ముందుగానే భారీ బీమా కవరేజ్ను చేయిస్తున్నాయి. ఈ ఏడాది ముంబైలోని కింగ్స్ సర్కిల్లోని జీఎస్బీ సేవా మండల్లో రూ. 474.4 కోట్ల బీమా పాలసీని చేయించి హాట్ టాపిక్గా మారింది. ఇప్పటి వరకూ ఏ వినాయక మండపానికి ఇంత పెద్ద మొత్తంలో బీమా పాలసీ చేయించింది లేకపోవడంతో ఇదొక రికార్డ్గా మారింది.
ప్రభుత్వ యాజమాన్యంలోని న్యూ ఇండియా అస్యూరెన్స్ ఈ పాలసీని అందించింది. ఈ పాలసీ వచ్చేసి వినాయకుడికి అలంకరించిన బంగారు, వెండి ఆభరణాలతోపాటు మండపం వద్ద సేవను అందించే స్వచ్చంద సేవకులందరికీ వర్తిస్తుంది. అలాగే పూజారులు, వంటవారు, సెక్యూరిటీ, వాలెట్ సిబ్బంది అందరికీ ఇది వర్తిస్తుంది. ఈ మండపంలో 2023లో రూ.360.40 కోట్లు బీమా చేయించగా.. 2024లో రూ.400.58 కోట్లు, ఈ ఏడాది ఏకంగా రూ.474.4 కోట్లు బీమా చేయించడం జరిగింది. క్రమక్రమంగా వేడుక స్థాయి కూడా భారీగానే పెరిగిపోతుంది. మండపాల కోసం వెచ్చించే ఖర్చుకు ఇది ప్రతీకగా చెప్పవచ్చు.