మీ ఇంట్లో వాళ్ళు ఎప్పుడు అనారోగ్య సమస్యలతో బాధపడుతున్నారా? ఎందుకో ఏమిటో ఇప్పుడు తెలుసుకుందాం..!
బెడ్ రూమ్స్ ఈ దిశలో కడితే అనారోగ్య సమస్యలు వస్తాయని వాస్తు నిపుణులు చెబుతున్నారు. తల దక్షిణం వైపు, పాదాలు ఉత్తరం వైపు ఉండేలా పడుకోవడం ఉత్తమం. తూర్పు లేదా పడమర వైపు తల పెట్టి పడుకోవడం కూడా మంచిదే, కానీ ఉత్తరం వైపు తల పెట్టడం మానుకోవాలి. మంచం గదికి నైరుతి మూలలో ఉండాలి. తల ఉన్న భాగం దక్షిణం లేదా తూర్పు గోడకు ఆని ఉండాలి. మంచం కింద ఖాళీగా ఉంచడం మంచిది. అనవసరమైన వస్తువులను మంచం కింద పెట్టకూడదు. పడక గదిలో అద్దం పడుకున్న వ్యక్తిని ప్రతిబింబించకుండా చూసుకోవాలి.
అలాగే అద్దం తలుపుకు ఎదురుగా ఉండకూడదు. పడక గదికి తెలుపు, లేత పసుపు, క్రీమ్ లేదా లేత నీలం వంటి తేలికపాటి రంగులను ఉపయోగించడం ప్రశాంతమైన వాతావరణాన్ని సృష్టిస్తుంది. పడక గదిలో టీవీ వంటి ఎలక్ట్రానిక్ వస్తువులను తక్కువగా ఉంచాలి, ఎందుకంటే అవి నిద్రకు భంగం కలిగించవచ్చు. పడక గదిని ఈశాన్యం లేదా ఆగ్నేయం దిశల్లో నిర్మించకూడదు. అలాగే, వంటగది లేదా పూజ గది పైన పడక గది ఉండకూడదు అని వాస్తు నిపుణులు చెపుతున్నారు.