ఇందిరా ఏకాదశి ఎప్పుడు? పూజకు అనుకూల సమయం ఏంటి?

హిందువులకు ప్రతి మాసంలోనూ పర్వదినాలు చాలా ఉంటాయి. వాటిలో ఇందిరా ఏకాదశి ఒకటి. భాద్రపద పక్ష మాసంలో ఏకాదశి ఉపవాసానికి చాలా ప్రాధాన్యత ఉంటుంది. దీనినే ఇందిరా ఏకాదశి అని కూడా అంటారు. ఇది విష్ణుమూర్తికి అంకితం చేయబడినది కాబట్టి ఈ రోజున ఉపవాసం చేయడం వలన పుణ్యంతో పాటు విష్ణుమూర్తి అనుగ్రహం లభిస్తుందని నమ్మకం. ఈ ఇందిరా ఏకాదశి ఉపవాసాన్ని ప్రతి ఏడాది భాద్రపద పక్ష మాసంలో ( ఆశ్వయుజ మాసంలోని కృష్ణ పక్షం) ఏకాదశి నాడు ఆచరిస్తారు.

అంటే ఈ ఏడాది మనం ఇందిరా ఏకాదశిని ఎప్పుడు జరుపుకోనున్నాం? ఏకాదశి తిథి ఎప్పుడు ప్రారంభమవుతుందో తెలుసుకుందాం. ఈ ఏడాది ఏకాదశి తిథి సెప్టెంబర్ 27న శుక్రవారం మధ్యాహ్నం 01:20 గంటలకు ప్రారంభమై.. సెప్టెంబర్ 28న శనివారం మధ్యాహ్నం 02:49 గంటలకు ముగుస్తుంది. కాబట్టి ఉదయ తిథి ప్రకారం మనం ఇందిరా ఏకాదశి ఉపవాసాన్ని ఈ నెల 28, శనివారం నాడు జరుపుకోనున్నాం. ఇక ఉపవాస దీక్ష 28న ప్రారంభమై 29న ముగియనుంది. ఇక పూజకు అనుకూలమైన సమయం ఎప్పుడంటే.. 28న ఉదయం 05:23 నుంచి మధ్యాహ్నం 02:52 వరకూ చేసుకోవచ్చు.