పూజగది అనేది కేవలం గది కాదు… అది మన ఇంట్లోని ఆధ్యాత్మిక హృదయం. అక్కడ ఉంచే ప్రతి వస్తువూ మన జీవితంపై ప్రభావం చూపుతుందని పెద్దలు నమ్మారు. అందుకే వాస్తు శాస్త్రం కొన్ని విషయాలపై స్పష్టమైన హెచ్చరికలు చేస్తుంది. విరిగిన దేవతల విగ్రహాలు శుభశక్తిని తగ్గిస్తాయని, భక్తి ఫలించదని చెబుతారు. పూజగదిలో పూర్వీకుల చిత్రాలు ఉంచితే మనస్సులో అనవసరమైన అశాంతి పెరుగుతుందని విశ్వాసం. అలాగే చిరిగిన మత గ్రంథాలు, కత్తెరలు…కత్తులాంటి పదునైన వస్తువులు కూడా నెగెటివ్ శక్తిని ఆకర్షిస్తాయని అంటారు. ప్రతిరోజూ దేవుడికి అర్పించిన పూలు ఎండిపోయిన తర్వాత వాటిని అక్కడే ఉంచకూడదు. శుభ్రమైన పూజగది ఉంటేనే లక్ష్మీ కటాక్షం నిలుస్తుందని, ప్రశాంతత–సౌఖ్యం ఇంట్లో పరిమళిస్తాయని వాస్తు శాస్త్రం చెబుతోంది. భక్తితో పాటు క్రమశిక్షణ కూడా దైవారాధనలో భాగమే అన్నది అసలు సందేశం.
