కొత్త సంవత్సరం, సంక్రాంతి వంటి శుభకాలంలో భగవంతుని దర్శనం జీవితం మీద గొప్ప ప్రభావం చూపుతుందని పెద్దలు చెబుతారు. అందుకే జీవితంలో కనీసం ఒక్కసారైనా కొన్ని మహా పుణ్యక్షేత్రాలను దర్శించుకోవాలని శాస్త్రాలు సూచిస్తాయి. ఒడిశాలోని కోణార్క్ సూర్య దేవాలయం సూర్యుని మహిమను తెలియజేస్తూ శక్తి, ఆరోగ్యానికి ప్రతీకగా నిలుస్తుంది. ముంబై సిద్ధి వినాయకుడి దర్శనం విఘ్నాలను తొలగించి కోరికలు నెరవేర్చుతుందని భక్తుల విశ్వాసం. ఉజ్జయినిలోని మహాకాళేశ్వర జ్యోతిర్లింగం దర్శనం పాపక్షయానికి మార్గం. తిరుమల శ్రీవేంకటేశ్వర స్వామి దర్శనం కలియుగంలో అపూర్వ వరం. అమృత్సర్ స్వర్ణ దేవాలయం మనసుకు ప్రశాంతతను ప్రసాదిస్తుంది. ఈ ఆలయాల దర్శనం భక్తిని, ధైర్యాన్ని, జీవనానికి దిశను ఇస్తుందని భక్తులు అనుభవంతో చెబుతారు.
