మాస శివరాత్రి పవిత్ర పండుగ ప్రతి నెల కృష్ణపక్షంలో వచ్చే త్రయోదశి తిథితో కూడిన చతుర్దశి తిథిన జరుపుకుంటారు. మాస శివరాత్రి గురించి ప్రత్యేకంగా చెప్పనవసరం లేదు. ఇది శివునికి అంకింతం చేయబడిన రోజు. ఈ రోజున శివపార్వతులను పూజిస్తే చాలా మంచిది. జేష్టమాసంలో వచ్చే ఈ మాస శివరాత్రి మరింత ప్రత్యేకం ఎందుకంటే చాలా అరుదైన యాదృచ్చికాలున్నాయి. అసలు జేష్ట మాసంలో మాస శివరాత్రి ఎప్పుడంటే.. జూలై 4వ తేదీన. ఈ రోజే భద్రయోగం ఏర్పడనుందట. ఈ యోగంలో శివపార్వతులను పూజిస్తే కోరికలు నెరవేరుతాయట. ఇక ఇదే రోజున వృద్ధి యోగం కూడా ఏర్పడనుందట.
ఈ వృద్ధి యోగం జూలై 4న ఉదయం 7 గంటలకు ప్రారంభమై మర్నాడు జూలై 5న సాయంత్రం 5:14 గంటల వరకూ కొనసాగుతుంది. ఈ సమయంలో శివుడిని ఆరాధిస్తే మన కోరికలన్నీ నెరవేరుతాయట. మాస శివరాత్రి రోజున మరో విశేషం ఏంటంటే.. మృగశిర నక్షత్రం ఉండనుంది. ఇది అన్ని రకాల శుభాలకు సంకేతమట. కాబట్టి ఈ నక్షత్రంలో శుభకార్యాలను చక్కగా ప్రారంభించవచ్చు. ఇది మాత్రమే కాదు.. అభిజీత్ ముహూర్తం కూడా ఇదే రోజున రానుంది కాబట్టి ఈ సారి మాస శివరాత్రి మరింత పవిత్రమైన రోజుగా పరిగణించబడుతోంది. ఈ అభిజిత్ ముహూర్తం పూజలు, శుభకార్యాలకు మరింత అనువైన సమయం. ఇక ఈ ముహూర్తం ఏ సమయంలో ఉంటుందంటే.. జూలై 4వ తేదీ మాస శివరాత్రి రోజున.. అభిజిత్ ముహూర్తం ఉదయం 11:58 నుంచి మధ్యాహ్నం 12:53 వరకూ ఉంటుంది.