మన దేశంలో శివాలయాలకు కొదువేమీ లేదు. ప్రతి గ్రామంలోనూ ఉంటాయి. కొన్ని దేవాలయాలు అత్యంత ప్రసిద్ధి గాంచాయి. అలాంటి వాటిలో ద్రాక్షారామం ఒకటి. ఇక్కడ భీమేశ్వర మూర్తి భక్తులను నిత్యం ఆశీర్వదిస్తూ ఉంటాడు. తూర్పుగోదావరి జిల్లాలోని సప్తగోదావరి తీరాన భీమేశ్వరమూర్తి వెలిశాడు. ఈ భీమేశ్వరమూర్తి ఆలయ ప్రత్యేకతలు చాలా ఉన్నాయి. ఈ భీమేశ్వరమూర్తిని దర్శించుకుంటే సకల శుభాలు కలుగుతాయి. ఈ భీమేశ్వర మహత్యాన్ని తెలిపే శ్లోకం కూడా ఒకటుంది. అదేంటంటే.. ‘కాశ్యాం తు మరణాన్ముక్తిఃజీవనం మరణం వాపి శ్రేయో భీమేశ్వరపట్టణే..’
ఆ శ్లోకం అర్థం ఏంటంటే.. కాశీలో నివసించిన వారికి మరణానంతరం మోక్షం.. భీమేశ్వరుడిని పూజించి కొన్ని క్షణాలైన ఆయన సన్నిధిలో గడిపితే జీవన సౌఖ్యంతో పాటు కైవల్యం సిద్ధిస్తుంది. ఈ భీమేశ్వర క్షేత్రం దక్షిణ కాశీగా పేరుగాంచింది. అంతేకాకుండా పురాణాల్లోనూ ఈ క్షేత్రం ప్రస్తావన ఉందంటారు. పంచారామాల్లో ఒకటిగా ఇది పూజలందుకుంటోంది. వాస్తవానికి పంచారామాలకు ప్రసిద్ది గాంచిన తెలుగుసీమలో భీమేశ్వరం కూడా ఒకటి. ఇక్కడ, ద్రాక్షారామంలో స్వామివారు భీమేశ్వరుడిగా పూజలందుకుంటున్నారు. అలాగే పాలకొల్లులో క్షీరారామేశ్వరుడిగా.. అమరావతిలో అమరేశ్వరుడు, సామర్లకోటలో కొమరారామమూర్తిగా పూజలందుకుంటున్నాడు.