శ్రీశైలం ఆలయ హుండీ ఆదాయం ఎంత వచ్చిందో తెలిస్తే..

నంద్యాల జిల్లా శ్రీశైలం మల్లన్న ఆలయంలో ఉభయ ఆలయాల హుండీ లెక్కింపును తాజాగా నిర్వహించారు. శ్రీ భ్రమరాంబ మల్లికార్జునస్వామి అమ్మవార్ల ఉభయ ఆలయాలు, పరివార దేవాలయాల హుండీని లెక్కించడం జరిగింది. చంద్రవతి కళ్యాణ మండపంలో ఈ లెక్కింపును నిర్వహించారు. పకడ్బందీగా ఈ లెక్కింపు నిర్వహించగా శ్రీశైలం మల్లన్న దేవస్థానానికి రూ.5,96,92,376 కోట్లతో నగదు రాబడిగా లభించిందని దేవస్థానం అధికారులు తెలిపారు. 26 రోజుల్లో ఈ ఆదాయాన్ని లెక్కించినట్టుగా ఆలయ ఈవో తెలిపారు. శ్రీ మల్లికార్జునస్వామి, భ్రమరాంబిక అమ్మవార్లకు భక్తులు నగదును కానుకల రూపంలో సమర్పించారు.

ఈ హుండీ లెక్కింపులో రూ.5,96,92,376 కోట్ల నగదుతో పాటు 232 గ్రాముల 400 మిల్లి గ్రాముల బంగారం, వెండి 7 కేజీల 850 గ్రాములు లభించింది. ఇక ఇతర దేశాల కరెన్సీ కూడా లభించింది. యుఎస్ఏ డాలర్లు 558, సౌదీఅరేబియా రియాల్స్ 3, ఓమన్ బైసా – 200, కువైట్ దినార్ 12, కత్తారు రియాల్స్ 4, సింగపూర్ డాలర్లు 7, ఆస్ట్రేలియా డాలర్లు 60, కెనడా డాలర్లు – 35, హాంకాంగ్ డాలర్లు 10, యూకే ఫౌండ్స్ 5, ఈరోస్ 115, కెన్యా షిల్లింగ్స్ 50, ఫిలిపిన్స్ పిసో 20, యూఏఈ దిర్హమ్స్ 15, జాంబియా క్వచ 20, జపాన్‌యన్స్ 1000 మొదలైన వివిధ దేశాల విదేశీ కరెన్సీ ఈ హుండీ లెక్కింపులో లభించినట్టు ఆలయ ఈవో వెల్లడించారు.