శివలింగానికి మనం పూజలు చేస్తూ ఉంటాం కానీ అవి ఎన్ని రకాలు అనే విషయం మాత్రం దాదాపుగా ఎవరికీ తెలియదు. శివలింగాలు 5 రకాలుంటాయి. ఒక్కో శివలింగానికి ఒక్కో విశిష్టత ఉంటుంది. శివలింగంలో ఒక్కొక్క భాగంలో ఒక్కొక్క దేవత ఉంటుందని శివపురాణం వివరించింది. ఇప్పుడు శివలింగాల్లో రకాలు చూద్దాం.
1. స్వయంభువు లింగం: దేవతలు, ఋషులు ప్రార్ధించినప్పుడు శివుడు అనుగ్రహించి వెలిశాడు. కాబట్టి ఈ శివలింగాన్ని స్వయంభువు లింగమంటారు.
2. బిందు లింగం: యంత్రంలో చెక్కబడిన లింగాన్ని బిందులింగమని చెబుతారు.
3. ప్రతిష్ఠ లింగం (పౌరుషము) లింగం: దేవతల, గురువుల, మానవుల ఆధ్వర్యవంలో శిల్పి ద్వారా చేయించి మంత్రపూర్వకంగా ప్రతిష్ఠించిన లింగం.
4. చర లింగం: పాదరసం, ఏదైనా లోహంతో చేసిన, మెడలో కట్టుకునేవి. ఈ చర లింగాలను గురువులు, భక్తులు ఎక్కడికి వెళ్లినా తీసుకెళ్లి పూజించుకోవచ్చు.
5. గురు లింగం: నడుస్తున్న గురువే లింగం. ఈశ్వరుడే గురువు రూపంలో ఉంటాడు
కలియుగంలో ప్రతి ఒక్కరూ యథాశక్తి లింగం ప్రతిష్ఠించాలట. అలా ప్రతిష్టించేందుకు సాధ్యపడని వారు ప్రతిష్ఠ జరిగిన లింగానికి పూజలు జరగడానికి ధనం ఇస్తే మంచిదని చెబుతారు.