శ్రీవారి వార్షిక బ్రహ్మోత్సవాలకు సర్వం సిద్ధమవుతోంది. ఈ బ్రహ్మోత్సవాల్లో భాగంగా గరుడ సేవ చాలా కీలకమైనది.. అలాగే శ్రీ వేంకటేశ్వరస్వామివారికి అత్యంత ఇష్టమైనది. అలాంటి గరుడ సేవను ప్రత్యేకంగా నిలవడానికి తిరుమల తిరుపతి దేవస్థానం సన్నాహాలు చేస్తోంది. అక్టోబరు 4-12 వరకూ జరగనున్న శ్రీ మలయప్ప స్వామివారి వార్షిక బ్రహ్మోత్సవాల సందర్భంగా అక్టోబర్ 8న గరుడసేవ రోజున ప్రత్యేక సాంస్కృతిక కార్యక్రమాలతో దేశవ్యాప్తంగా కళాకారులతో అద్బుతమైన సాంస్కృతిక వైభవాన్ని ప్రదర్శించేందుకు టీటీడీ సన్నాహాలు చేస్తోంది. ఏడాది పొడవునా తిరుమలలో జరిగే వివిధ ఉత్సవాలతో పోలిస్తే.. వార్షిక బ్రహ్మోత్సవాలు భక్తులను విపరీతంగా ఆకట్టుకుంటాయి.
బ్రహ్మోత్సవం ఉత్సవంలో ప్రత్యేక లక్షణం ఏమిటంటే, ప్రతిరోజూ వాహన సేవల్లో శ్రీ మలయప్ప స్వామి వివిధ అలంకారాలలో వివిధ వాహకాలపై మాడ వీధుల్లో భక్తులను అనుగ్రహిస్తారు. భారతదేశం అంతటా ఉన్న సాంస్కృతిక బృందాలు తమ మంత్రముగ్ధులను చేసే కళారూపాలను ప్రదర్శిస్తూ, గ్యాలరీలలో గుమిగూడిన యాత్రికులను ఆకట్టుకుంటున్నాయి. దక్షిణ భారత రాష్ట్రాలతో పాటు, మహారాష్ట్ర, మధ్యప్రదేశ్, బీహార్, పంజాబ్, రాజస్థాన్, జార్ఖండ్, ఒడిశా, గుజరాత్, అస్సాం, మణిపూర్, త్రిపుర, అరుణాచల్ ప్రదేశ్ నుంచి కళాకారులు కూడా వాహన సేవల్లో తమ నైపుణ్యాన్ని ప్రదర్శించడానికి సిద్ధమవుతున్నారు.