ఆలయంలో దేవతలు రాతి రూపంలోనో లేదంటే మరో రూపంలోనో ఉంటారు కానీ అంతేకానీ సజీవంగా మాత్రం ఉండరు. కానీ ఇక్కడి ఆంజనేయ స్వామివారు సజీవంగా ఉంటారని స్థానికుల నమ్మకం. దానికి నిదర్శనమేంటి? అసలెక్కడుంది ఆ ఆలయం అంటారా? కడప జిల్లా గండిలో ఉంది. ఈ వీరాంజనేయ స్వామికి చిటికెన వేలు ఉండదు. ఎవరైనా చెక్కేందుకు యత్నిస్తే స్వామివారి విగ్రహం నుంచి రక్తం వస్తుందట. నమ్మశక్యం కాకున్నా ఇది నిజమని స్థానికులు చెబుతున్నారు. అందుకే ఇక్కడి మూర్తిని సజీవ ఆంజనేయ స్వామి మూర్తిగా పేర్కొంటారు.
ఇక ఈ ఆలయంలో మరో విశేషం ఏంటంటే.. శ్రీరాముడికి స్వాగతం పలికేందుకు వాయుదేవుడు బంగారు తోరణం ఏర్పాటు చేశాడట. అయితే ఈ తోరణం అందరికీ కనిపించదట. మహనీయులకు అది కూడా వారి జీవిత చరమాంకంలో ఉన్నవారికి మాత్రమే కనిపిస్తుందట. అలా ఎవరికైనా కనిపించిందా? అంటే 18వ శతాబ్దంలో మద్రాసు రాష్ట్రంలో దత్తమండలాలకు కలెక్టర్‌గా ఉన్న సర్ థామస్ మన్రోకు కనిపించిందట. ఈ విషయం కడప గెజిట్‌లో కనిపిస్తుందట. ఇక శ్రావణమాసంలోనే శ్రీరాముడు గండి క్షేత్రానికి వచ్చాడట. కాబట్టి ఇక్కడ శ్రావణ మాసంలో పెద్ద ఎత్తున పూజలు జరుగుతాయి. చివరి శనివారం అయితే వీరాంజనేయుడిని ఒంటెవాహనంపై పురవీధుల్లో ఊరేగిస్తారు.