ధనుస్సు రాశిలోకి సూర్యుడు ప్రవేశించడంతో ధనుర్మాసం ప్రారంభమవుతుంది. ఈ మాసాన్ని శాస్త్రాలు శుభకార్యాలకు అనుకూలంగా పరిగణించవు. జ్యోతిష్యుల అభిప్రాయం ప్రకారం జుట్టు, గడ్డం, గోర్లు మన శరీరంలోని సహజ శక్తుల భాగాలు. ధనుర్మాసంలో వీటిని కత్తిరిస్తే శక్తి ప్రవాహం తగ్గుతుందని నమ్మకం ఉంది. అందుకే ఈ కాలంలో క్షౌర కర్మను నివారించమని పెద్దలు చెబుతారు. అయితే శాస్త్రాల్లో దీని పై కఠిన నిషేధం లేదని కొందరు పండితులు అంటున్నారు. పరిశుభ్రత కోసం అవసరమైనప్పుడు చేసుకోవచ్చని సూచిస్తున్నారు. అయినప్పటికీ మంగళవారం, గురువారం, ఏకాదశి, అమావాస్య రోజుల్లో మాత్రం జుట్టు, గోర్లు కత్తిరించకూడదని శాస్త్రోక్తంగా పేర్కొంటారు. ధనుర్మాసంలో భక్తి, నియమాలు పాటిస్తూ ఆధ్యాత్మికంగా గడపడం ఉత్తమమని సూచిస్తున్నారు.
