ఇప్పటికే మనం పాతాళంలోని ఏడు లోకాలలో.. మూడు లోకాల గురించి తెలుసుకున్నాం కదా. ఇప్పుడు మిగిలిన నాలుగు లోకాలు.. తలాతల లోకం, మహాతల లోకం, రసాతల లోకం, పాతాళ లోకాల గురించి తెలుసుకుందాం.
తలాతల-లోకం: ఇది అన్నింటిలోకి 11వ లోకం.. భూమి తర్వాత 4వ లోకం. మాయాసురుడు ఇక్కడ శ్రీ హరి అనుగ్రహంతో మహా రుద్రుని రక్షణలో నివసిస్తున్నాడని చెబుతారు. మాయాసురుడు పాండవుల మయసభ సహా అనేక అద్భుతమైన భవనాలు నిర్మించాడు.
మహాతల-లోకం: ఇది అన్నింటిలోకి 12వది.. అలాగే భూమి తర్వాత 5వది. ఇక్కడ నాగులు నివసిస్తాయని చెబుతారు. కాళియ, తక్షక, సుసేన మొదలైన నాగులన్నీ ఇక్కడే నివసిస్తాయట. ఈ నాగులన్నీ గరుడికి భయపడుతూ నిత్యం ఆగ్రహంతో ఉన్నా కూడా ఆనందంగానే నివసిస్తారట.
రసాతల-లోకం: ఇది అన్నింటిలోకి 13వది.. భూమి తర్వాత 6వది. ఇక్కడ దితి కుమారులు (రాక్షసులు) తమ కుటుంబాలతో నివసిస్తారట. ఈ లోకంలో నివసించే శ్రీహరి భక్తులకు.. సహ దైత్యులకు కూడా వారు భయపడతారని చెబుతారు.
పాతాళ-లోకం: అన్నింటి కంటే దిగువన ఉన్న లోకమే పాతాళ లోకం. వాసుకి, కాళికే, ధనంజయుడు మొదలైన నాగులు ఇక్కడ నివసిస్తున్నారని చెబుతారు. ఈ లోకం చాలా ప్రకాశవంతంగా ఉంటుందని చెబుతారు. దీనికి కారణం నాగుపాములకు ఫణి ఉండటమేనట.