కార్వేటి నగరం శ్రీ వేణుగోపాలస్వామివారి ఆలయ చరిత్ర ఏంటంటే..

కార్వేటినగరం శ్రీ రుక్మిణి సత్యభామ సమేత శ్రీ వేణుగోపాలస్వామివారి వార్షిక బ్రహ్మోత్సవాలు సోమవారం ఉదయం 9.15 గం.ల నుండి 9.45 గం.ల మధ్య మిథున లగ్నంలో వైభవంగా ప్రారంభమయ్యాయి. ఆలయ స్థల పురాణం గురించి ఇప్పుడు తెలుసుకుందాం. ఆకాశరాజు కుమార్తె పద్మావతీ దేవి కలియుగ దైవం శ్రీనివాసుల పరిణయానంతరం ఆకాశరాజు స్వర్గస్థుడు కాగా, అతని కుమారుడు వసుదాసుడు సంతానహీనుడై పూర్వము తమ పూర్వులకు అర్థరాజ్యం ఇచ్చిన నారాయణరాజు మునిమనుమడైన వేంకటరాజునకు నారాయణపుర రాజ్యమును అప్పగించి తాను వేంకటాచలమున తపస్సుచేసి శ్రీనివాసుని పాదారవిందముల ప్రాప్తి పొందగోరెను.

వేంకటరాజు వంశమున వేంకట పెరుమాళ్రాజు తన పరిపాలన కాలమందు ఈ కార్వేటినగర నిర్మాణమును గావించి తిరుమలలో శ్రీ వేంకటాచలపతితో కూడి పూజింపబడుచున్న శ్రీ రుక్మిణీ సత్యభామా సమేత శ్రీ వేణుగోపాలస్వామి దేవతామూర్తులను తెప్పించి శ్రీ వేఖానసులవారిచే ప్రతిష్టింపజేసెను. ఈ ఆలయ నిర్వహణను రాజుల పరిపాలనానంతరం 1936 సంవత్సరం నుండి దేవాదాయ శాఖ నిర్వహించి, తదుపతి 1989 ఏఫ్రిల్ 10న తిరుమల తిరుపతి దేవస్థానమునకు అప్పగించబడినది. ఈ ఆలయంలో స్వామివారు సంతాన వేణుగోపాలస్వామిగా ఎంతో ప్రసిద్ధి పొందినారు.

బ్రహ్మోత్సవాల్లో వాహనసేవల వివరాలు :

తేదీ

20-05-2025

ఉదయం – చిన్నశేష వాహనం

సాయంత్రం – హంస వాహనం

21-05-2025

ఉదయం – సింహ వాహనం

సాయంత్రం – ముత్యపుపందిరి వాహనం

22-05-2025

ఉదయం – కల్పవృక్ష వాహన

సాయంత్రం – ఆర్జిత కళ్యాణోత్సవం/ సర్వభూపాల వాహనం

23-05-2025

ఉదయం – పల్లకీపై మోహినీ అవతారం

సాయంత్రం – గరుడ వాహన సేవ

24-05-2025

ఉదయం – హనుమంత వాహనం

సాయంత్రం – సా – వసంతోత్సవం, రాత్రి – గజ వాహనం

25-05-2025

ఉదయం – సూర్యప్రభ వాహనం

సాయంత్రం – చంద్రప్రభ వాహనం

26-05-2025

ఉదయం – రథోత్సవం

సాయంత్రం – అశ్వవాహనం

27-05-2025

ఉదయం – చక్రస్నానం

సాయంత్రం – ధ్వజావరోహణం