సిద్ధి ధాత్రి అలంకారంలో మెరిసిన అమ్మవార్లు..

దేవి శరన్నవరాత్రులలో తొమ్మిదవ అవతారం.. సిద్ధిదాత్రి.

సిద్ధగంధర్వయక్షాద్యైః, అసురైరమరైరపి
సేవ్యమానా సదా భూయాత్ సిద్ధిదా సిద్ధిదాయినీ ॥

సిద్ధిదాత్రి దేవి మహిమ ఏంటంటే..

నవరాత్రుల తొమ్మిదవ రోజు (ఆశ్వయుజ శుద్ధ నవమి) సిద్ధిదాత్రి దేవి ఆరాధన ప్రత్యేకంగా జరుగుతుంది. ఈమె సిద్ధులను ప్రసాదించేది, అందువల్లే “సిద్ధిదాత్రి” అనే నామధేయం. దేవతలు, యక్షులు, గంధర్వులు, రాక్షసులు, మానవులు.. అందరూ ఈ తల్లిని ఆరాధిస్తారు. సకల దేవతా స్వరూపాలు ఈమెలోనే ఏకరూపమై ఉన్నారు.

భోగం కోరిన వారికి లక్ష్మీగా, విద్య కోరిన వారికి సరస్వతీగా, సిద్ధులు కోరిన వారికి సిద్ధిదాత్రిగానే తానై కటాక్షిస్తుంది.

అష్టసిద్ధులు..

సిద్ధ పురుషులు భక్తితో కోరుకున్నప్పుడు, అమ్మవారు ప్రసాదించే ఎనిమిది శక్తులను అష్టసిద్ధులు అని అంటారు.

అణిమ – అణుప్రమాణంలో మారే శక్తి
గరిమ – గడ్డిపరకను కూడా పర్వతబరువుగా మార్చగల శక్తి
లఘిమ – గాలికంటే వేగంగా కదిలే శక్తి
మహిమ – సర్వత్ర గౌరవింపబడే శక్తి
ప్రాప్తి – కోరినదాన్ని సాధించే శక్తి
ప్రాకామ్యము – ఏ చోటున్నా అన్నీ తెలిసే శక్తి
ఈశత్వము – సమస్తంపై ఆధిపత్యం
వశిత్వము – కామక్రోధాదులను అదుపులో ఉంచే శక్తి

బ్రహ్మవైవర్త పురాణం ప్రకారం ఇవే కాక అష్టాదశ సిద్ధులు కూడా అమ్మవారి కటాక్షంతో లభిస్తాయి.

సిద్ధిదాత్రి దేవి రూపం

చతుర్భుజ రూపిణి —

కుడి వైపు: చక్రం & గద
ఎడమ వైపు: శంఖం & పద్మం

కమలాసనంపై కూర్చుని, మృదు ముసుకుతో, సకల లోక భక్తుల ఆరాధనలతో ప్రసన్నముగా దర్శనమిస్తుంది. నిర్మల హృదయంతో ఈ అమ్మవారిని కొలిచిన వారికి..

అష్టసిద్ధులు, నవనిధులు, అఖండ కీర్తి, భోగభాగ్యాలు ప్రసాదమౌతాయి. ఈ అమ్మవారిని సంపూర్ణ విశ్వాసంతో కొలిచిన భక్తులు సంసారిక వ్యామోహాల నుండి విముక్తులై, భవబంధాల నుండి విడిపడి, మాతృచరణారవిందాలను చేరుతారు. “సిద్ధి” అంటే సాధన ఫలితం. “దాత్రి” అంటే ఇచ్చేది. బట్టి భక్తులు కోరుకున్న కోరికలను తీర్చేది.. ద్ధిదాత్రి దేవి. హ సుఖాలే కాక, జ్ఞానమూ, మోక్షమూ ప్రసాదించేది ఈ తల్లి అని భక్తుల గాఢ నమ్మకం.